വയനാട്, കാസർഗോഡ്, പാലക്കാട് ജില്ലകളിൽ കനത്ത മഴ; ബാണാസുര തുറക്കും

News Desk

10 August 2019 12:09 PM

വയനാട് : കാസർകോടും വയനാടും പാലക്കാടും കനത്ത മഴ തുടരുകയാണ്‌. ഇന്നലെ ഉരുൾപ്പെട്ടലുണ്ടായ പ്രദേശത്തേക്ക്‌ എത്തിചേരാൻ സുരക്ഷാസേനക്കായിട്ടില്ല. പുത്തുമല, കവളപ്പാറ എന്നിവിടങ്ങളിൽ ഉരുൾപാട്ടലിൽ കാണാതായവരെ ഇനിയും കണ്ടെത്തതാനായിട്ടില്ല. കവളപ്പാറ മുത്തപ്പൻകുന്നിലുണ്ടായ ഉരുൾപൊട്ടലിൽ മരിച്ച നാലുപേരുടെ മൃതദേഹം കണ്ടെടുത്തു.

ബാണാസുര സാഗർ ഡാമിന്റെ വൃഷ്ടി പ്രദേശങ്ങളിൽ കനത്ത മഴ തുടരുന്നതിനാൽ ഡാം 3 മണിയോടെ തുറക്കും. അതേസമയം ബാണാസുരസാഗർ ഡാമിൽ വെള്ളമുയർന്നാൽ കരമാൻ തോടിൽ ജലനിരപ്പ് ഉയർന്നു തുടങ്ങി. അതിനാൽ ഇന്ന്‌ രാവിലെ എട്ടു മണി മുതൽ റെഡ് അലർട്ട് പ്രഖ്യാപിച്ചിരിക്കുകയാണ്. 3 മുതൽ ബാണാസുര സാഗർ ഡാമിന്റെ ഷട്ടർ തുറക്കേണ്ടിവരുമെന്ന്‌ അധികൃതർ അറിയിച്ചു. ഇരു കരകളിലും ഉള്ള ജനങ്ങളെ മാറ്റിപ്പാർപ്പിക്കുവാൻ നിർദ്ദേശം നൽകിയിട്ടുണ്ട്‌.