ഹാച്ച്ബാക്ക് വിപണി പിടിക്കാൻ ഗ്രാന്റ് ഐ10 നിയോസ്
ഇന്ത്യയിലെ ഹാച്ച്ബാക്ക് ശ്രേണിയിൽ കടുത്ത മത്സരം മുന്നോട്ടു വയ്ക്കുകയാണ് ഹ്യൂണ്ടായ്. ഗ്രാന്റ് ഐ10-ന്റെ രണ്ടാം തലമുറ മോഡല് ഗ്രാന്റ് ഐ10 നിയോസ് ഹ്യൂണ്ടായ് ഇന്ത്യയിൽ അവതരിപ്പിച്ചു. പഴയ ഗ്രാന്റ് ഐ 10 മോഡലിനെ പിന്വലിക്കാതെയാണ് പുതിയ ഗ്രാന്റ് ഐ 10 നിയോസ് അവതരിപ്പിച്ചിരിക്കുന്നത്. പുതിയ മോഡലിന്റെ ബുക്കിങ്ങ് ഹ്യുണ്ടായി മുമ്പുതന്നെ ആരംഭിച്ചിരുന്നു. ഇന്ത്യന് നിരത്തുകള്ക്ക് ഇണങ്ങുന്ന ഡിസൈന് ശൈലിയാണ് നിയോസില്.
പെട്രോള് മോഡലില് അഞ്ച് വേരിയന്റും ഡീസല് മോഡലുകള്ക്ക് മൂന്ന് വേരിന്റുമാണുള്ളത്. ബേസിക് മോഡലായ ഇറയിലും ഉയര്ന്ന വേരിയന്റായ ഡ്യുവല് ടോണ് സ്പോര്ട്സിലും ഡീസല് എന്ജിന് നല്കിയിട്ടില്ല. ഇറ, മാഗ്ന, സ്പോര്ട്സ്, ആസ്റ്റ, ഡ്യുവല് ടോണ് സ്പോര്ട്സ് എന്നിവയാണ് നിയോസിന്റെ വേരിയന്റുകള്.
പുതിയ ഡിസൈനിലുള്ള കാസ്കാഡ് ഗ്രില്, വ്യത്യസ്തമായ ഡേ ടൈം റണ്ണിങ് ലൈറ്റ്, പ്രൊജക്റ്റര് ഹെഡ്ലാമ്പ്, ക്രോം ഡോര് ഹാന്ഡില്, റൂഫ് റെയില്സ്, ഡ്യുവല് ടോണ് അലോയി വീല് എന്നിവ നിയോസിനെ അടിപൊളിയാക്കിയിട്ടുണ്ട്. ഡ്യുവല് ടോണ് ഇന്റീരിയറും, പുതിയ ഡാഷ്ബോര്ഡും, എട്ട് ഇഞ്ച് ഇന്ഫോടെയ്ന്മെന്റ് സിസ്റ്റം, ത്രീ സ്പോക്ക് മള്ട്ടി ഫങ്ഷന് സ്റ്റിയറിങ് വീല്, ട്വിന് പോഡ് ഇന്സ്ട്രുമെന്റ് ക്ലസ്റ്റര്, വയര്ലെസ് ചാര്ജിങ്ങ് സംവിധാനം എന്നിവയാണ് നിയോസിന്റെ ഇന്റീരിയറിലെ പ്രത്യേകതകള്.
നിയോസിന്റെ ബിഎസ് 6 എൻജിൻ 82 ബിഎച്ച്പി പവറും 114 എന്എം ടോര്ക്കുമേകുന്ന 1.2 ലിറ്റര് പെട്രോള് എന്ജിനും 74 ബിഎച്ച്പി പവറും 190 എന്എം ടോര്ക്കുമേകുന്ന 1.2 ലിറ്റര് ഡീസല് എന്ജിനുമാണ് ഗ്രാന്റ് ഐ10 നിയോസിന് കരുത്തേകുന്നത്. എഎംടി, മാനുവല് ട്രാന്സ്മിഷനുകള് നിയോസില് നല്കിയിട്ടുണ്ട്.
പെട്രോള് മോഡലുകള്ക്ക് 4.99 ലക്ഷം മുതല് 6.68 ലക്ഷം രൂപ വരെയും ഡീസല് മോഡലുകള്ക്ക് 6.70 ലക്ഷം മുതല് 7.99 ലക്ഷം രൂപ വരെയുമാണ് ഡല്ഹിയിലെ എക്സ്ഷോറൂം വില.