ഗാന്ധിജയന്തി ദിനത്തിൽ സര്‍ക്കാര്‍ ഡോക്ടര്‍മാരുടെ കൂട്ട ഉപവാസം
ആരോഗ്യ സ്ഥാപനങ്ങള്‍ക്ക് നേരെ വർദ്ധിച്ചുവരുന്ന അക്രമങ്ങൾക്കെതിരെ, അന്താരാഷ്ട്ര അഹിംസ ദിനമായ ഒക്ടോബർ 2 ബുധനാഴ്ച രാവിലെ 10 മണി മുതല്‍ സര്‍ക്കാര്‍ ഡോക്ടര്‍മാര്‍ കെ.ജി.എം.ഒ.എയുടെ നേതൃത്വത്തില്‍ സെക്രട്ടേറിയേറ്റു നടയില്‍ കൂട്ട ഉപവാസം നടത്തും. ആശുപത്രി പ്രവർത്തനങ്ങൾ ബാധിക്കാത്ത തരത്തിലാണ് ഉപവാസം സംഘടിപ്പിക്കുന്നത്. ആരോഗ്യസ്ഥാപനങ്ങളെ സംരക്ഷിത മേഖലകളായി പ്രഖ്യാപിക്കുക, ആശുപത്രി ആക്രമണം നടത്തുന്നവര്‍ക്കെതിരെ 2012ലെ ആശുപത്രി സംരക്ഷണ നിയമപ്രകാരം ശക്തമായ നടപടി സ്വീകരിക്കുക, എല്ലാ പ്രധാന ആശുപത്രികളിലും പോലീസ് എയ്ഡ് പോസ്റ്റുകള്‍ സ്ഥാപിക്കുക, രോഗികളുടെ എണ്ണമനുസരിച്ച് കൂടുതൽ ഡോക്ടർമാരെ നിയമിക്കുക തുടങ്ങിയ ആവശ്യങ്ങള്‍ ഉന്നയിച്ചാണ് ഉപവാസം.
പരിമിത സൗകര്യങ്ങള്‍ക്കുള്ളില്‍ നിന്ന് കൂടുതല്‍ രോഗികൾക്ക് ഗുണനിലവാരമുള്ള ആരോഗ്യ സേവനം ലഭ്യമാക്കുന്നതിന് ആശുപത്രികളില്‍ അക്രമരഹിത അന്തരീക്ഷം നിര്‍ബന്ധമാണ്‌. ഡോക്ടര്‍മാര്‍ക്കും മറ്റു ആശുപത്രി ജീവനക്കാര്‍ക്കും ഭയരഹിതരായി ജോലി ചെയ്യുന്നതിനുള്ള സാഹചര്യം നിലനിര്‍ത്തേണ്ടത് പൊതുസമൂഹത്തിന്റെ ആവശ്യമാണ്‌. ഈ വിഷയത്തിന്റെ പ്രാധാന്യത്തെക്കുറിച്ച് ജനങ്ങളില്‍ അവബോധം ഉണ്ടാക്കുക എന്ന ഉദ്ദേശത്തോടെയാണ് ഉപവാസം സംഘടിപ്പിച്ചിരിക്കുന്നത് എന്ന് കെ ജി എം ഒ എ സംസ്ഥാന പ്രസിഡന്റ്‌ ഡോ ജോസഫ് ചാക്കോ ജനറൽ സെക്രട്ടറി ഡോ ജി എസ് വിജയകൃഷ്ണൻ എന്നിവർ അറിയിച്ചു
Related News
സിനിമാ താരം നോബിയുടെ മാതാവ് മരണപ്പെട്ടു
കണ്ണൂരില് വന് മയക്കുമരുന്ന് വേട്ട; യുവതി ഉള്പ്പെടെ നാലുപേര് പിടിയില്
'ഉപ്പ് തിന്നവര് വെള്ളം കുടിക്കും'-മരം മുറിയില് നിലപാട് ആവര്ത്തിച്ച് മുഖ്യമന്ത്രി
ഒക്ടോബർ രണ്ടിനകം മുഴുവൻ വില്ലേജ് ഓഫീസ് സേവനങ്ങളും ഓൺലൈനായി ലഭ്യമാക്കും; അഞ്ചുവർഷത്തിനകം എല്ലാ വില്ലേജ് ഓഫീസുകളും സ്മാർട്ട് ആക്കും; മുഖ്യമന്ത്രി