ഭക്ഷണം പത്ര കടലാസിൽ പൊതിയണോ ?

News Desk

24 May 2019 12:00 AM

പത്ര കടലാസിൽ പൊതിഞ്ഞ ഭക്ഷണം കഴിക്കുന്നവരാണ് ഏറെപ്പേരും.എന്നാൽ എന്താണ് ഇതിലെ അപകടം ?
കൂടുതലായും റോഡ്സൈഡ് ചായക്കടകളിലും തട്ടുകടകളിലുമാണ് ഈ പതിവ് ഉള്ളത്. ഒന്നുകിൽ വടയും,ബജിയുമൊക്കെ പൊതിഞ്ഞെടുക്കാൻ ഉപയോഗിക്കും അല്ലെങ്കിൽ അതിലെ എണ്ണ ഒപ്പിയെടുക്കാൻ ഉപയോഗിയ്ക്കും. ഇങ്ങനെ എണ്ണ ഒപ്പിയെടുക്കാൻ ഉപയോഗിക്കുമ്പോൾ പത്രത്തിലെ മഴി ആഹാരത്തിൽ കലരുന്നു എന്നതാണ് വാസ്തവം.

ഇത് വളരെയധികം ആരോഗ്യ പ്രശ്നങ്ങൾ സൃഷ്ട്ടിക്കും എന്നാണ് ഫുഡ് സേഫ്റ്റി ആന്റ് സ്റ്റാന്‍ഡേര്‍ഡ്സ് അതോറിറ്റി ഓഫ് ഇന്ത്യ പുറത്തിറക്കിയ കുറിപ്പില്‍ പറയുന്നത്. അലുമിനിയം ഫോയിലും അനാരോഗ്യകരമാണെന്നാണ് കണ്ടെത്തല്‍. അലുമിനിയം ഫോയിലിൽ പൊതിഞ്ഞ ആഹാരങ്ങൾ കഴിക്കുന്നത് വഴി പലതരം ബാക്ടീരിയകൾ നമ്മുടെ ശരീത്തിലെക്ക് എത്തുന്നു.

ഭക്ഷണസാധനങ്ങള്‍ പത്രകടലാസില്‍ പൊതിഞ്ഞുകൊടുക്കുന്നതും, വിളമ്പുന്നതും ശ്രദ്ധയില്‍ പെട്ടാല്‍ ബന്ധപ്പെട്ട അധികൃതരെ അറിയിച്ചാല്‍ നടപടിയെടുക്കുമെന്നും ഫുഡ് സേഫ്റ്റി ആന്റ് സ്റ്റാന്‍ഡേര്‍ഡ്സ് അതോറിറ്റി ഓഫ് ഇന്ത്യ അറിയിച്ചു.