അടിമുടി മാറി മാരുതി ഡിസയർ
ഏറ്റവുമധികം ജനപ്രീതി സ്വന്തമാക്കിയ സെഡാന് വാഹനമായ മാരുതി സുസുക്കി ഡിസയര് കൂടുതല് കരുത്തനാകുന്നു. ബിഎസ്-6 പെട്രോള് എന്ജിനും ശക്തമായ സുരക്ഷ സംവിധാനങ്ങളും ഒരുക്കിയാണ് പുതിയ ഡിസയര് വരുന്നത്.
പെട്രോള് എന്ജിന് മാത്രമാണ് ബിഎസ്-6 നിലവാരത്തിലേക്ക് മാറ്റിയിട്ടുള്ളത്. ഇതിനൊപ്പം സുരക്ഷാ സംവിധാനം ശക്തമാക്കുന്നതിനായി അടിസ്ഥാന മോഡലില് ഉള്പ്പെടെ സീറ്റ് ബെല്റ്റ് റിമൈന്ഡര്, റിയര് പാര്ക്കിങ് സെന്സര്, സ്പീഡ് അലേര്ട്ട്, ഡ്യുവല് എയര്ബാഗ്, എബിഎസ്, ഇബിഡി സംവിധാനങ്ങളും ഒരുക്കിയിട്ടുണ്ട്.
പുതിയ മാറ്റങ്ങളുടെ ഭാഗമായി വിലയിലും 13,000 രൂപയുടെ വര്ധനവുണ്ടായിട്ടുണ്ട്. 5.82 ലക്ഷം രൂപ മുതല് 9.57 ലക്ഷം രൂപ വരെയാണ് പുതിയ ഡിസയറിന്റെ ഡല്ഹിയിലെ എക്സ്ഷോറൂം വില.