കരിപ്പൂര്‍ വിമാന അപകടത്തില്‍ രക്ഷാപ്രവര്‍ത്തനം നടത്തിയ 10 പേര്‍ക്ക് കോവിഡ്

Ajith.A

18 August 2020 12:48 PM

കോഴിക്കോട്: കരിപ്പൂര്‍ വിമാന അപകടത്തില്‍ രക്ഷാപ്രവര്‍ത്തനം നടത്തിയ 10 പേര്‍ക്ക് കോവിഡ് സ്ഥിരീകരിച്ചു. രോഗം ബാധിച്ച 10 പേരും കൊണ്ടോട്ടി നഗരപരിധിയിലുള്ളവരാണ്. നെടിയിരുപ്പില്‍ ആറ് പേര്‍ക്കും കൊണ്ടോട്ടിയില്‍ നാല് പേര്‍ക്കുമാണ് കോവിഡ് സ്ഥിരീകരിച്ചത്.

രക്ഷാപ്രവത്തനത്തില്‍ പങ്കെടുത്തവര്‍, എയര്‍പോര്‍ട്ട് ജീവനക്കാര്‍, പ്രവാസികള്‍, ടാക്സി തൊഴിലാളികള്‍ തുടങ്ങി 1142 പേരിലാണ് പല ദിവസങ്ങളിലായി ആര്‍.ടി.പി.സി.ആര്‍ പരിശോധന നടത്തിയത്. കൊണ്ടോട്ടി മേഖലയില്‍ വിമാന ദുരന്തത്തിലെ രക്ഷാപ്രവര്‍ത്തകര്‍ ഉള്‍പ്പെടെ 27 പേര്‍ക്ക് രോഗം സ്ഥിരീകരിച്ചിട്ടുണ്ട്. കൊണ്ടോട്ടി നഗരസഭ 10, പള്ളിക്കല്‍ 5, മൊറയൂര്‍ 6, കുഴിമണ്ണ 4, പുളിക്കല്‍, മുതുവല്ലൂര്‍ ഓരോന്ന് വീതം എന്നിങ്ങനെ 27പേര്‍ക്കാണ് രോഗം സ്ഥിരീകരിച്ചത്.വിമാന അപകടം നടക്കുമ്പോള്‍ കൊണ്ടോട്ടി കണ്ടെയിന്‍മെന്‍റ് സോണ്‍ ആയിരുന്നു. രക്ഷാപ്രവര്‍ത്തനം നടത്തിയ എല്ലാവരും ക്വാറന്‍റൈനില്‍ പ്രവേശിച്ചിരുന്നു. രക്ഷാപ്രവര്‍ത്തനത്തിനെത്തിയ മലപ്പുറം കലക്ടര്‍ക്കും കോവിഡ് സ്ഥിരീകരിച്ചിരുന്നു. കോവിഡ്.