സംസ്ഥാനത്ത് ഇന്ന് 27,487 പേര്ക്ക് കോവിഡ്; ടെസ്റ്റ് പോസിറ്റിവിറ്റി നിരക്ക് 27.56
തിരുവനന്തപുരം: കേരളത്തില് ഇന്ന് 27,487 പേര്ക്ക് കോവിഡ് 19 സ്ഥിരീകരിച്ചു. ടെസ്റ്റ് പോസിറ്റിവിറ്റി നിരക്ക് 27.56 ആണ്. ഇതുവരെ ആകെ 1,71,33,089 സാമ്ബിളുകളാണ് പരിശോധിച്ചത്.
കഴിഞ്ഞ ദിവസങ്ങളിലുണ്ടായ 65 മരണങ്ങളാണ് കോവിഡ് 19 മൂലമാണെന്ന് ഇന്ന് സ്ഥിരീകരിച്ചത്. ഇതോടെ ആകെ മരണം 5879 ആയി. ഇന്ന് രോഗം സ്ഥിരീകരിച്ചവരില് 255 പേര് സംസ്ഥാനത്തിന് പുറത്ത് നിന്നും വന്നവരാണ്. 24,815 പേര്ക്ക് സമ്ബര്ക്കത്തിലൂടെയാണ് രോഗം ബാധിച്ചത്. 2303 പേരുടെ സമ്ബര്ക്ക ഉറവിടം വ്യക്തമല്ല. രോഗം സ്ഥിരീകരിച്ച് ചികിത്സയിലായിരുന്ന 31,209 പേര് ഇന്ന് രോഗമുക്തി നേടിയിട്ടുണ്ടെന്നും മുഖ്യമന്ത്രി പിണറായി വിജയന് വാര്ത്ത സമ്മേളനത്തില് അറിയിച്ചു.
രോഗികള് ജില്ല തിരിച്ച്
തിരുവനന്തപുരം 3494
മലപ്പുറം 3443
തൃശൂര് 3280
എറണാകുളം 2834
കോഴിക്കോട് 2522
പാലക്കാട് 2297
കൊല്ലം 2039
ആലപ്പുഴ 1908
കണ്ണൂര് 1838
കോട്ടയം 1713
കാസര്ഗോഡ് 919
പത്തനംതിട്ട 450
ഇടുക്കി 422
വയനാട് 328
114 ആരോഗ്യ പ്രവര്ത്തകര്ക്കാണ് രോഗം ബാധിച്ചത്. നിലവില് 4,19,726 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 15,04,160 പേര് ഇതുവരെ കോവിഡില് നിന്നും മുക്തി നേടി.സംസ്ഥാനത്തെ വിവിധ ജില്ലകളിലായി 9,89,991 പേരാണ് ഇപ്പോള് നിരീക്ഷണത്തിലുള്ളത്. ഇവരില് 9,56,932 പേര് വീട്/ഇന്സ്റ്റിറ്റിയൂഷണല് ക്വാറന്റീനിലും 33,059 പേര് ആശുപത്രികളിലും നിരീക്ഷണത്തിലാണ്. 3580 പേരെയാണ് പുതുതായി ആശുപത്രിയില് പ്രവേശിപ്പിച്ചത്.ഇന്ന് 2 പുതിയ ഹോട്ട് സ്പോട്ടുകളാണുള്ളത്. ഒരു പ്രദേശത്തേയും ഹോട്ട് സ്പോട്ടില് നിന്നും ഒഴിവാക്കിയിട്ടില്ല. നിലവില് ആകെ 798 ഹോട്ട് സ്പോട്ടുകളാണുള്ളത്.
ഓക്സിജന് അമിതോപയോഗം ശ്രദ്ധിക്കുന്നതിനായി പ്രത്യേക ടെക്നിക്കല് ടീമിനെ നിയോഗിക്കും. കേന്ദ്ര സര്ക്കാര് മൂന്ന് ഓക്സിജന് പ്ലാന്റുകള് കൂടി അനുവദിച്ചിട്ടുണ്ടെന്നും മുഖ്യമന്ത്രി പറഞ്ഞു.