കോവിഡ് 19 ; ഇന്ത്യയില് മരണസംഖ്യ 80,000 കവിഞ്ഞു
ദില്ലി : ഇന്ത്യയില് കോവിഡ് ബാധിച്ച് മരിച്ചവരുടെ എണ്ണം 80,000 കവിഞ്ഞു. സര്ക്കാര് കണക്കുകള് പ്രകാരം രാജ്യത്ത് കോവിഡ് കേസുകളുടെ എണ്ണം അതിവേഗം വര്ദ്ധിച്ചുകൊണ്ടിരിക്കുകയാണ്. ഇന്ന് രാവിലെ വരെ മൊത്തം മരണങ്ങള് 79,722 ആയിരുന്നു, ഇത് അടുത്ത ഏതാനും മണിക്കൂറുകള്ക്കുള്ളില് മരണസംഖ്യ 80,085 ആയി ഉയര്ന്നു.
കൊറോണ വൈറസ് രോഗമുക്തി നിരക്ക് ഇന്ത്യയില് കുത്തനെ ഉയര്ന്നതായി രേഖപ്പെടുത്തിയിട്ടുണ്ട്. മെയ് മാസത്തില് 50,000 ല് നിന്ന് സെപ്റ്റംബറില് 36 ലക്ഷത്തിലധികമായി, രോഗമുക്തരുടെ എണ്ണം എന്ന് ആരോഗ്യ മന്ത്രാലയം പറഞ്ഞു, പ്രതിദിനം 70,000 ലധികം പേര് രോഗമുക്തരാകുന്നതായി റിപ്പോര്ട്ട് ചെയ്യപ്പെട്ടിട്ടുണ്ട്.
സെപ്റ്റംബര് തുടക്കം മുതല് പ്രതിദിനം ശരാശരി 90,000 കേസുകളാണ് ഇന്തയില് റിപ്പോര്ട്ട് ചെയ്യുപ്പെടുന്നത്. രാജ്യത്തെ മൊത്തം കേസുകളുടെ എണ്ണം 48 ലക്ഷം കവിഞ്ഞു, അമേരിക്കയ്ക്ക് ശേഷം ലോകത്തിലെ ഏറ്റവും കൂടുതല് ബാധിക്കപ്പെട്ട രണ്ടാമത്തെ രാജ്യമാണ് ഇന്ത്യ.