നവീന കണ്ടു പിടുത്തങ്ങളുമായി കോഡ്‌സെക് 2019
തിരുവനന്തപുരം; ഗതാഗതക്കുരുക്കില്‍ പൊറുതി മുട്ടിയ സംസ്ഥാനം . സംസ്ഥാനത്തെ ചില ജംങ്ഷനുകള്‍ ചെറിയ ആള്‍ക്കൂട്ടം ഉണ്ടായല്‍ പോലും ഉണ്ടാകാവുന്ന ഗതാഗതക്കുരുക്കുകള്‍ നമുക്ക് ഊഹിക്കാവുന്നതേയുള്ളൂ. ചില സമയങ്ങള്‍ രണ്ടും , മൂന്നും ട്രാഫിക് പോലീസുകാര്‍ ഉണ്ടെങ്കില്‍ പോലും അത് പരിഹരിക്കാനാകില്ല. ആ സാഹചര്യം മറികടക്കാനാണ് എം.ഇ.എസ് കോളേജ് വിദ്യാര്‍ത്ഥികളായ സജീദ്. എസ്. മുഹമ്മദ് റിയാസ്, ഹരീഷ്‌കുമാര്‍, ഒമര്‍ സഹീര്‍, അനൂപ് ഡി.എസ് എന്നിവരുടെ നേതൃത്വത്തില്‍ കണ്ടു പിടിച്ച നിയോ ട്രീ എന്ന ട്രാഫിക് സിഗനിലിംഗ് സിസ്റ്റം. ആര്‍ക്കും എളുപ്പം കൊണ്ട് നടക്കാവുന്ന ആറ് അടി പൊക്കവും ഇരുപത് കിലോ ഭാരവുമുള്ള പോര്‍ട്ടബില്‍ ട്രാഫിക് സിഗ്നല്‍ ആണ് ഇവരുടെ കണ്ടു പിടുത്തം. അത്യാവശ്യ ഘട്ടങ്ങളിലും മറ്റും എവിടെ എങ്കിലും ഗതാഗതക്കുരുക്ക് ഉണ്ടായാല്‍ ട്രാഫിക് സിഗ്നലിനായി ഇനി ഓടേണ്ട. ആവശ്യമുള്ളയിടത്ത് ഇത് വേഗത്തില്‍ സ്ഥാപിക്കാം. ഇത് പന്ത്രണ്ട് അടി വരെ ഉയര്‍ത്താനാകും എന്നത് കൊണ്ട് ദൂരെ നില്‍ക്കുന്നവര്‍ക്ക് വരെ കാണാനാകും. ഈ പുതിയ ആശയത്തിനാണ് ഇത്തവണ സൈബര്‍ ഡോമിന്റെ കോഡ്‌സെക് 2019 ല്‍ മികച്ച ആശയത്തിനുള്ള ഒന്നാം സ്ഥാനം ലഭിച്ചത്.
കുറ്റാന്വേഷണങ്ങളില്‍ കൂടുതല്‍ സഹായിക്കുന്നത് ഇപ്പോള്‍ സിസിടിവി ദൃശ്യങ്ങളാണ്. ചിലപ്പോല്‍ ലഭിക്കുന്ന ചിത്രങ്ങളിലെ വ്യക്തത കുറവ് കാരണം അന്വേണത്തെ ബാധിക്കുന്ന ഘട്ടത്തില്‍ ഇതിനെതിരെ പുതിയ ആപ്ലിക്കേഷനുമായി എത്തിയ ടെക്‌നോപാര്‍ക്കിലെ ക്വസ്റ്റ് ഗ്ലോബല്‍ സോഫ്റ്റ് വെയര്‍ എഞ്ചിനീയേഴ്‌സിന്റെ പ്രോജക്ടറായ ഇമേജ് ആന്‍ഡ് വീഡിയോ എഹെന്‍മെന്റ് യൂസിംഗ് എ ആന്റ്‌ ഐ മിഷ്യൻന്‍ ലേണിംഗ് എന്ന് പോജക്ടിന് രണ്ടാം സ്ഥാനവും ലഭിച്ചു.
കേരള പോലീസ് ചീഫ് ലോക്‌നാഥ് ബഹ്‌റ ഐപിഎസ് കോഡ്‌സെക് 2019 ഉദ്ഘാടനം ചെയ്തു. പണ്ട് കാലങ്ങളില്‍ സിനിമകളില്‍ മാത്രം കണ്ടിരുന്ന തീവ്രവാദം എങ്ങും എപ്പോഴും സംഭവിക്കാവുന്ന സ്ഥിതിയില്‍ അന്വേഷണങ്ങള്‍ക്ക് പുതിയ തലം തേടേണ്ടതുണ്ടെന്ന് ഡിജിപി പറഞ്ഞു . ഇതിനായി സൈബര്‍ ഡോമിന്റെ നേതൃത്വത്തില്‍ നടത്തുന്ന പ്രവര്‍ത്തനങ്ങള്‍ക്കും ആശയരൂപീകരണ പ്രവര്‍ത്തനങ്ങളേയും ഡിജിപി പ്രശംസിച്ചു. 2019 സൈബര്‍ സെക്യൂരിറ്റി വര്‍ഷമായി കണ്ട് കേരള പോലീസ് നടപ്പിലാക്കുന്ന ഇത്തരം ഇന്നവേഷന്‍ പദ്ധതികളില്‍ സ്‌കൂള്‍ വിദ്യാര്‍ത്ഥികള്‍ , സാധാരണക്കാര്‍ ഉള്‍പ്പെടെയുള്ളവര്‍ക്ക് പരിശീലനം നല്‍കുമെന്ന് ചടങ്ങില്‍ അധ്യക്ഷത വഹിച്ച എഡിജിപിയും ,സൈബര്‍ ഡോം നോഡല്‍ ഓഫീസറുമായ മനോജ് എബ്രഹാം ഐപിഎസ് പറഞ്ഞു. വിജയികള്‍ക്കുള്ള പുരസ്‌കാരം ഡിഐജി. പി. പ്രകാശ് ഐപിഎസ് നിര്‍വ്വഹിച്ചു. ചടങ്ങില്‍ ടെക്‌നോപാര്‍ക്ക് സിഇഒ. ഋഷികേശ് നായര്‍, സിഡാക് ഡയറക്ടര്‍ പി.എം.ശശി, സൈബര്‍ഡോം ഓപ്പറേറ്റിംഗ് ഓഫീസര്‍ പ്രകാശ് തുടങ്ങിയവര്‍ സംസാരിച്ചു.
Related News
ശബരിമലയില് തീര്ഥാടകന് കുഴഞ്ഞുവീണു മരിച്ചു
ഇന്ത്യക്ക് തുടർച്ചയായ അഞ്ചാം ജയം; ന്യൂസിലൻഡിനെ 4 വിക്കറ്റിന് തകർത്തു
എസ്പിജി ഡയറക്ടര്‍ അരുണ് കുമാര് സിന്ഹ അന്തരിച്ചു
ബലിപെരുന്നാള് അവധി; കേരളത്തില് നാളെ നടത്താനിരുന്ന പരീക്ഷകള് മാറ്റി, പുതിയ തിയതി