ഔഡി A3 സെഡാനിന്റെ 2021 പതിപ്പ് അവതരിപ്പിച്ചു

News Desk

22 April 2020 02:29 PM

ജനപ്രിയ എന്‍‌ട്രി ലെവല്‍ കോം‌പാക്‌ട് സെഡാനിന്റെ 2021MY പതിപ്പ് ഔഡി അവതരിപ്പിച്ചു. മുൻകാല മോഡലുമായി താരതമ്യം ചെയ്യുമ്പോൾ നിരവധി പരിഷ്കരണങ്ങൾ കൊണ്ടുവന്നിട്ടുണ്ട്. നിലവില്‍ മൂന്ന് മോഡലുകള്‍ മാത്രം വില്‍പ്പനയുള്ള ഔഡി ഇന്ത്യ 2021 മധ്യത്തോടെ സെഡാന്‍ ഇന്ത്യന്‍ വിപണിയിലെത്തിക്കുമെന്ന് പ്രതീക്ഷിക്കുന്നു.

ബാഹ്യ ഡിസൈനില്‍ നിരവധി മാറ്റങ്ങൾ ഔഡി അവതരിപ്പിക്കുന്നു. ഷാര്‍പ്പ് ലൈനുകളും കട്ടുകളും ഔഡി A3 സ്‌പോര്‍ട്‌ബാക്കില്‍ ഉചിതമാണെന്ന് തോന്നുമെങ്കിലും ഒറ്റ നോട്ടത്തില്‍ പലര്‍ക്കും സെഡാനിന്റെ രൂപകല്‍പ്പന ദഹിപ്പിക്കാന്‍ അല്‍പ്പം ബുദ്ധിമുട്ടുള്ളതാണ്. എഡ്ജിയര്‍ ബൗണ്ടറികള്‍, എക്സ്റ്റെന്‍ഡഡ് ഫെന്‍ഡറുകള്‍, പുതിയ ബമ്പർ ഘടകങ്ങള്‍ എന്നിവ ലഭിച്ചിട്ടും, മൊത്തത്തിലുള്ള രൂപഘടന സാധാരണ A3 - കോം‌പാക്‌ട്, കൂപ്പ് എന്നിവയ്ക്ക് സമാനമായി തുടരുന്നു.

പിന്‍ ഡോറുകളുടെ അടിഭാഗത്ത്, ഒരു ചെറിയ ഔഡി ലോഗോ ഉണ്ട്, ഇത് ഒരു നോ കോസ്റ്റ് ഓപ്ഷനാണ്. സാധാരണ ഔഡി മോഡലുകള്‍ ഇത്ര അഗ്രസ്സീവായി കാണാന്‍ തുടങ്ങിയാല്‍, അവയുടെ RS പതിപ്പുകള്‍ എങ്ങനെയായിരിക്കുമെന്ന് ഊഹിക്കാനാവില്ല. വിപണിയില്‍ നിന്ന് പിന്‍വാങ്ങുന്ന മോഡലുമായി താരതമ്യപ്പെടുത്തുമ്പോള്‍ പുതിയ കാറിന്റെ വലുപ്പം അല്‍പ്പം വര്‍ദ്ധിച്ചിട്ടുണ്ട്. കൂടാതെ, ഉയര്‍ന്ന പിന്‍ഭാഗവും വലിയ ഡിഫ്യൂസറും അതിന്റെ ഡ്രാഗ് കോഫിഫിഷ്യന്റ് 0.25 ആയി കുറയ്ക്കാന്‍ സഹായിച്ചു.

സുഖസൗകര്യങ്ങളും ഡൈനാമിക്സും തമ്മിലുള്ള മികച്ച ബാലന്‍സ് നേടുന്നതിന് സസ്പെന്‍ഷന്‍ മാറ്റങ്ങളും നിര്‍മ്മാതാക്കള്‍ വരുത്തി. അകത്തളത്തില്‍ ഡിസൈന്‍ ശൈലിയില്‍ വലിയ മാറ്റങ്ങളാണ് കമ്പനി വരുത്തിയിരിക്കുന്നത്. സവിശേഷതകളും ഫീച്ചറുളും സമൃദ്ധമായിരിക്കുമ്പോള്‍ ഫിസിക്കല്‍ ബട്ടണുകളുടെ ഉപയോഗം ചുചുരുക്കിയിട്ടുണ്ട്.

10.1 ഇഞ്ച് ടച്ച്‌സ്‌ക്രീന്‍ ഡ്രൈവര്‍ കേന്ദ്രീകൃതവും പ്രീമിയം ഗുണനിലവാരമുള്ള മെറ്റീരിയലുകളാല്‍ ചുറ്റപ്പെട്ടതുമാണ്. സെന്റര്‍ കണ്‍സോളുമായി ഇത് നന്നായി യോജിക്കുന്നു. ഒപ്പം പരിഷ്കരിച്ച 10.25 ഇഞ്ച് വെര്‍ച്വല്‍ കോക്ക്പിറ്റ് TFT ഇന്‍സ്ട്രുമെന്റ് ക്ലസ്റ്ററിനോട് ചേര്‍ന്നാണ് ഇത് സ്ഥാപിച്ചിരിക്കുന്നത്. ഔഡിയുടെ MMI സിസ്റ്റത്തിന്റെ ഏറ്റവും പുതിയ പതിപ്പിന് 10 മടങ്ങ് വേഗത്തിലുള്ള പ്രോസസ്സിംഗ് ശേഷിയുണ്ടെന്ന് കമ്പനി അവകാശപ്പെടുന്നു.

പുതിയ 1.5 ലിറ്റര്‍ '35' TFSi പെട്രോള്‍ മൈല്‍ഡ്-ഹൈബ്രിഡ് പവര്‍ട്രെയിന്‍ ഉപയോഗിച്ചാണ് 2021 A3 ശ്രേണി ഔഡി അവതരിപ്പിച്ചത്. പെട്രോള്‍ യൂണിറ്റ് 148 bhp കരുത്തും 250 Nm torque ഉം സൃഷ്ടിക്കുമ്ബോള്‍ 48V മൈല്‍ഡ്-ഹൈബ്രിഡ് യൂണിറ്റിന് 50 Nm ടോർക്കും വര്‍ദ്ധിപ്പിക്കാന്‍ കഴിയും. ആഗോള വിപണികളില്‍ ആറ് സ്പീഡ് മാനുവല്‍ അല്ലെങ്കില്‍ ഏഴ് സ്പീഡ് S-ട്രോണിക് DCT ഗിയര്‍ബോക്സ് ഓപ്ഷനുകള്‍ ലഭ്യമാണ്. രണ്ടാമത്തെ 2.0 ലിറ്റര്‍ TDi മോട്ടര്‍ ഏഴ് സ്പീഡ് S-ട്രോണിക് യൂണിറ്റുമായി ഘടിപ്പിച്ചിരിക്കുന്നു. ഇത് 148 bhp കരുത്തും 360 Nm torque ഉം പുറപ്പെടുവിക്കുന്നു.

ഔഡി ഇന്ത്യ പുതിയ A3 സെഡാനെ അതിന്റെ പെട്രോള്‍ ഫോര്‍മാറ്റിലാണ് കൊണ്ടുവരുന്നത് എന്നത് ശ്രദ്ധേയമാണ്. വാഹനത്തിന്റെ താഴ്ന്ന പതിപ്പുകളില്‍ മൈല്‍ഡ്-ഹൈബ്രിഡ് ഓപ്ഷനുകള്‍ ഉണ്ടാവില്ല. മെര്‍സിഡീസ് ബെന്‍സ് A-ക്ലാസ് ലിമോസിന്‍, ബിഎംഡബ്ല്യു 2 സീരീസ് ഗ്രാന്‍ കൂപ്പെ എന്നിവയാണ് ഔഡി A3 സെഡാനിന്റെ പ്രധാന എതിരാളികള്‍.