ജനകീയ ശുചീകരണത്തിൽ പങ്കാളികളായി ആറ്റിങ്ങൽ ഗവ.ഐ.ടി.ഐ. എൻ.എസ്.എസ്. യൂണിറ്റ്
നാഷണൽ സർവ്വീസ് സ്കീമിന്റെ അൻപതാം വാർഷികാഘോഷങ്ങളുടെ ഭാഗമായി ഗാന്ധിജയന്തി വാരാചരണത്തോടനുബന്ധിച്ച് ആറ്റിങ്ങൽ ഗവ.ഐ.ടി.ഐ.യിലെ എൻ.എസ്.എസ്.യൂണിറ്റ് ജനകീയ ശുചീകരണത്തിൽ പങ്കാളിയായി. വർഷങ്ങളായി പ്രവർത്തനരഹിതമായി കിടന്നതുമൂലം കാടുകയറിയ സ്റ്റീൽ ഫാക്ടറി പരിസരത്ത് അഡ്വ.ബി.സത്യൻ എം.എൽ.എ.യുടെ നേതൃത്വത്തിൽ പൊതുജന പങ്കാളിത്തത്തോടെ നടത്തിയ ശുചീകരണയജ്ഞത്തിലാണ് ആറ്റിങ്ങൽ ഗവ.ഐ.ടി.ഐ.യിലെ എൻ.എസ്.എസ്.യൂണിറ്റ് പങ്കാളികളായത്. മൈക്രോ സ്മാൾ ആൻറ് മീഡിയം എന്റർപ്രൈസസിന്റ കീഴിൽ ടൂൾ റൂം തുടങ്ങുന്ന ആവശ്യത്തിലേയ്ക്കാണ് സ്റ്റീൽ ഫാക്ടറി ശുചീകരണം നടത്തിയത്. ഐ.ടി. ഐ. യൂണിറ്റിന്റെ ശുചീകരണം അഡ്വ.ബി.സത്യൻ എം.എൽ.എ. ഉദ്ഘാടനം ചെയ്തു. എൻ.എസ്.എസ്.പ്രോഗ്രാം ഓഫീസർ എൻ.ഹരികൃഷ്ണൻ, ഇൻസ്ട്രക്ടർമാരായ സാബു, ബൈജു തുടങ്ങിയവർ പങ്കെടുത്തു