ആറ്റിങ്ങൽ ഗവ.ഐ.ടി.ഐ.പ്രവേശനം. കൗൺസിലിംഗ് ചൊവ്വാഴ്ചമുതൽ. റാങ്ക് ലിസ്റ്റ് പ്രസിദ്ധീകരിച്ചു   

News Desk

12 July 2019 01:37 PM

         ആറ്റിങ്ങൽ ഗവ.ഐ.ടി.ഐ.പ്രവേശനത്തിനുള്ള റാങ്ക് ലിസ്റ്റ് പ്രസിദ്ധീകരിച്ചു. കൗൺസിലിംഗ് ചൊവ്വാഴ്ചമുതൽ ആരംഭിക്കും. മെട്രിക്, നോൺ മൊടിക് ട്രേഡുകളിൽ ടി.എച്ച്.എസ്, സ്പോട്സ്, ഭിന്നശേഷി ക്കാർ തുടങ്ങിയ സ്പെഷ്യൽ വിഭാഗങ്ങളിലേക്കും പെൺകുട്ടികൾക്കായുള്ള സംവരണ സീറ്റുകളിലേക്കുമുള്ള കൗൺസിലിംഗ് ചൊവ്വാഴ്ചയും മെട്രിക് ട്രേഡിൽ ജനറൽ, ഈഴവ, ഒ.ബി.സി, മുസ്ലിം വിഭാഗങ്ങളിൽ ഇൻഡക്സ് മാർക്ക് 230 വരെയും എൽ.സി, ഒ.ബി.എക്‌സ്. വിഭാഗങ്ങളിൽ 220 വരെയും എസ്.സി. വിഭാഗത്തിൽ  210 വരെയും എസ്.ടി, ജവാൻ വിഭാഗങ്ങളിൽ എല്ലാവർക്കും ബുധനാഴ്ചയും നോൺ മെട്രിക് ട്രേഡിൽ ജനറൽ, ഈഴവ, ഒ.ബി.സി, മുസ്ലിം വിഭാഗങ്ങളിൽ ഇൻഡക്സ് മാർക്ക് 220 വരെയും എൽ.സി, ഒ.ബി.എക്‌സ്. വിഭാഗങ്ങളിൽ 210 വരെയും എസ്.സി. വിഭാഗത്തിൽ  200 വരെയും എസ്.ടി, ജവാൻ വിഭാഗങ്ങളിൽ എല്ലാവർക്കും വെള്ളിയാഴ്ചയും കൗൺസിലിംഗ് നടക്കും.

റാങ്ക് ലിസ്റ്റ് ആറ്റിങ്ങൽ ഐ.ടി.ഐ. നോട്ടീസ് ബോർഡിലും വെബ്സൈറ്റിലും പ്രസിദ്ധീകരിച്ചിട്ടുണ്ട്. കൂടാതെ കൺസിലിംഗിൽ ഉൾപ്പെട്ടവരെ എസ്.എം.എസ്. മുഖാന്തരവും അറിയിപ്പ് നൽകിയിട്ടുണ്ട്. റാങ്ക് ലിസ്റ്റ് പരിശോധിച്ച് അപേക്ഷകർ അതാതു ദിവസങ്ങളിൽ രാവിലെ 7നും 9നുമിടയിൽ ആറ്റിങ്ങൽ ഐ.ടി.ഐ-ൽ സർട്ടിഫിക്കറ്റ് പരിശോധനയ്ക്കായി സർട്ടിഫിക്കറ്റുകളുടെ അസ്സലും പകർപ്പുകളും, ടി.സി, ഫീസ് എന്നിവയുമായി രക്ഷകർത്താവിനൊപ്പം  ഹാജരാകേണ്ടതാണ്.  കൗൺസിലിംഗിനായി കൃത്യസമയം ഹാജരാകണമെന്ന്  പ്രിൻസിപ്പൽ അറിയിക്കുന്നു.

ഫോൺ : 04702 672391.

വെബ് സൈറ്റ്: www.itiattingal.kerala.gov.in