പ്രളയം; അപ്പീലുകൾ ൽകാനുള്ള സമയപരിധി 2019 ജൂൺ 30 വരെ നീട്ടി
പ്രളയത്തിൽ തകർന്ന വീടുകളുടെ പുനർനിർമ്മാണവുമായി ബന്ധപ്പെട്ട് അപ്പീലുകൾ നൽകാനുള്ള സമയപരിധി 2019 ജൂൺ 30 വരെ നീട്ടിയതായി മുഖ്യമന്ത്രി പിണറായി വിജയൻ അറിയിച്ചു. ജനുവരി 31 വരെ ലഭിച്ച അപ്പീലുകൾ തീർപ്പാക്കണമെന്നായിരുന്നു ഹൈക്കോടതി ഉത്തരവ്. എന്നാൽ നാശനഷ്ടം നേരിട്ട ഏതെങ്കിലും കുടുംബം ഉണ്ടെങ്കിൽ ഒരു കാരണവശാലും അവർ ഒഴിവാക്കപ്പെടരുത് എന്ന ഉറച്ച ബോധ്യത്തോടെയാണ് സർക്കാർ ഇത്തരമൊരു തീരുമാനം കൈക്കൊണ്ടതെന്ന് മുഖ്യമന്ത്രി നിയമസഭയിൽ അറിയിച്ചു.