യുഎഇയില്‍ കൊറോണ ചട്ടം ലംഘിച്ചാല്‍ 3,000 ദിര്‍ഹം പിഴ
യുഎഇയില്‍ കൊറോണ നിയന്ത്രണങ്ങളിലെ ഇളവുകള്‍ ദുരുപയോഗപ്പെടുത്തിയാല്‍ കര്‍ശന നടപടിയെന്ന് അധികൃതര്‍. വാഹനയാത്രകളിലെ ഇളവുകള്‍ ഉള്‍പ്പെടെയുള്ളവയില്‍ വിട്ടുവീഴ്ച അനുവദിക്കില്ല. കാറുകളില്‍ 3 പേരില്‍ കൂടുതല്‍ യാത്ര ചെയ്താല്‍ 3,000 ദിര്‍ഹം പിഴ ചുമത്തും. ഒന്നിലേറെ പേരുണ്ടെങ്കില്‍ മാസ്ക് ധരിക്കണം.
കുടുംബാംഗങ്ങള്‍ ആണെങ്കില്‍ മൂന്നിലധികം ആള്‍ക്കാര്‍ക്ക് യാത്ര ചെയ്യാം. ഡ്രൈവ് ചെയ്യുന്നയാള്‍ മാത്രമാണ് വാഹനത്തിലുള്ളതെങ്കില്‍ മാസ്ക് നിര്‍ബന്ധമില്ല. ഉപയോഗിച്ച മാസ്ക് അലക്ഷ്യമായി വലിച്ചെറിഞ്ഞാലും 3,000 ദിര്‍ഹമാണു പിഴ. വാഹനങ്ങളില്‍ നിന്നു വലിച്ചെറിഞ്ഞാല്‍ പിഴയ്ക്കു പുറമെ ലൈസന്‍സില്‍ 6 ബ്ലോക് പോയിന്റുകള്‍ പതിക്കുകയും ചെയ്യും.
പൊതുസ്ഥലങ്ങളില്‍ ഉള്‍പ്പെടെ കഠിന വ്യായാമം ചെയ്യുമ്ബോള്‍ മാസ്ക് ഒഴിവാക്കാന്‍ അനുമതിയുണ്ട്. വ്യായാമത്തിനിടെ ശ്വാസ തടസ്സമുണ്ടായി ആരോഗ്യപ്രശ്നങ്ങള്‍ ഉണ്ടാകാനുള്ള സാധ്യത കണക്കിലെടുത്താണ് ഇളവ്. എന്നാല്‍ വ്യക്തികള്‍ തമ്മില്‍ അകലം ഉള്‍പ്പെടെയുള്ളവരെ കൃത്യമായി പാലിക്കണം. ഹോട്ടലുകളില്‍ മേശകള്‍ തമ്മില്‍ ചുരുങ്ങിയത് 2 മീറ്റര്‍ അകലമുണ്ടാകണം.
Related News
ഇനിയൊരു അറിയിപ്പുണ്ടാകുന്നത് വരെ യുഎഇയിലേക്കുള്ള സര്വീസില്ലെന്ന് എമിറേറ്റ്സ്
ഇന്ത്യ - യുഎഇ വിമാന സര്വീസ് ജൂലൈ ഏഴ് മുതല് തുടങ്ങിയേക്കും
ഇന്ത്യയില് നിന്നും യുഎഇയിലേക്കുള്ള യാത്രാ വിലക്ക് വീണ്ടും നീട്ടി
ഇന്ത്യക്കാര്ക്കുള്ള യാത്രാവിലക്ക് യുഎഇ ജൂണ് 30 വരെ നീട്ടി