അയോധ്യാ കേസ് വിധി ; സംസ്ഥാനത്ത് അതീവജാഗ്രത
കൊച്ചി: അയോധ്യാ കേസില് ഇന്ന് വിധി പുറപ്പെടുവിപ്പിക്കുന്ന പശ്ചാലത്തില് സംസ്ഥാനത്ത് അതീവജാഗ്രത തുടരുന്നു. ഇന്നലെ രാത്രി രാജ്ഭവനിലെത്തി ഗവര്ണറെ കണ്ട മുഖ്യമന്ത്രി പിണറായി വിജയനും ഡി ജി പി ലോക്നാഥ് ബെഹ്റയും സംസ്ഥാനത്തെ സ്ഥിതിഗതികളും അയോധ്യ വിധി മുന്നിര്ത്തി സ്വീകരിച്ച സുരക്ഷാനടപടികളും ഗവര്ണറെ ധരിപ്പിച്ചു.ജില്ലാ പൊലീസ് മേധാവിമാരുമായി ഡിജിപി വീഡിയോ കോണ്ഫറന്സിലൂടെ സുരക്ഷ ശക്തമാക്കാനും ആവശ്യമെങ്കില് മുന്കരുതല് അറസ്റ്റുകള് നടത്താനും നിര്ദേശിച്ചിട്ടുണ്ട്.
നിലവില് സംസ്ഥാനത്ത് കാസര്ഗോഡ് ജില്ലയില് മാത്രമേ നിരോധനാജ്ഞ പ്രഖ്യാപിച്ചിട്ടുള്ളൂ . മഞ്ചേശ്വരം, കുമ്പള, കാസര്ഗോഡ്, ഹൊസ്ദുര്ഗ്, ചന്ദേര സ്റ്റേഷന് എന്നീ പരിധികളിലാണ് ജാഗ്രതാ നിര്ദേശം പുറപ്പെടുവിച്ചിരിക്കുന്നത്.
നവംബര് 11വരെ ഈ സ്റ്റേഷന് പരിധികളില് നിരോധനാജ്ഞ പ്രഖ്യാപിച്ചിട്ടുണ്ട് . ഇവിടങ്ങളില് നാലില് കൂടുതല് പേര് കൂടി നില്ക്കാന് പാടില്ലെന്ന് നിര്ദേശമുണ്ട്. അതേസമയം , ഇപ്പോള് നടന്നു കൊണ്ടിരിക്കുന്ന ജില്ലാ സ്കൂള് കലോത്സവ പരിപാടികള്ക്ക് നിരോധനാജ്ഞ ബാധകമല്ലെന്ന് ജില്ലാ കളക്ടര് ഡി.സജിത്ത് ബാബു അറിയിച്ചു. പരിപാടികള്ക്ക് ശക്തമായ സുരക്ഷ ഒരുക്കുമെന്നും അദ്ദേഹം പറഞ്ഞു .