തൊഴിലിടങ്ങളിലും വാക്സിനേഷന്; ഏപ്രില് 11ന് ആരംഭിക്കാന് കേന്ദ്ര നിര്ദ്ദേശം
രാജ്യത്തെ തൊഴിലിടങ്ങളില് വാക്സിനേഷന് പദ്ധതി ആരംഭിക്കാന് തീരുമാനം. ഈ മാസം 11 മുതല് സ്വകാര്യ സ്ഥാപനങ്ങളിലും പൊതുമേഖലാ സ്ഥാപനങ്ങളിലും കോവിഡ് വാക്സിന് ലഭ്യമാക്കാനാണ് നിലവില് തീരുമാനിച്ചിരിക്കുന്നത്.
സംസ്ഥാനങ്ങളോടും, കേന്ദ്ര ഭരണ പ്രദേശങ്ങളോടും ഇതു സംബന്ധിച്ച തയ്യാറെടുപ്പുകള് നടത്താന് കേന്ദ്ര ആരോഗ്യ മന്ത്രാലയം ഉത്തരവിട്ടു. കുറഞ്ഞത് നൂറുപേരുള്ള ഇടങ്ങളില് വാക്സിന് നല്കും. 45 വയസ്സിന് മുകളിലുള്ളവര്ക്കാണ് വാക്സിന് നല്കുക.
കോവിഡ് വ്യാപനം രൂക്ഷമാകുന്ന സാഹചര്യത്തിലാണ് വാക്സിനേഷന് കേന്ദ്രങ്ങള് വ്യാപിപ്പിക്കുന്നത്. 45 വയസ്സിന് മുകളിലുള്ളവര്ക്കാണ് നിലവില് വാക്സിന് വിതരണം ചെയ്യുന്നത്. ലോകാരോഗ്യ സംഘടനയുടെ മാര്ഗനിര്ദേശപ്രകാരമാണ് നിലവില് വാക്സിന് വിതരണം പുരോഗമിക്കുന്നത്.