60 വയസ് കഴിഞ്ഞവര്ക്കുള്ള വാക്സിനേഷന് തിങ്കളാഴ്ച മുതല്
തിരുവനന്തപുരം: സംസ്ഥാനത്ത് രണ്ടാംഘട്ട കോവിഡ് 19 വാക്സിനേഷനുള്ള രജിസ്ട്രേഷന് മാര്ച്ച് ഒന്ന് മുതല് ആരംഭിക്കുമെന്ന് ആരോഗ്യ വകുപ്പ് അറിയിച്ചു.
https://www.cowin.gov.in എന്ന കോവിന് പോര്ട്ടല് വഴിയും ആരോഗ്യ സേതു ആപ്പ് വഴിയും പൊതുജനങ്ങള്ക്ക് കോവിഡ് വാക്സിനേഷനായി രജിസ്റ്റര് ചെയ്യാം.
രണ്ടാം ഘട്ടത്തില് 60 വയസിന് മുകളില് പ്രായമുള്ള എല്ലാ പൗരന്മാര്ക്കും 45 നും 59 നും ഇടയില് പ്രായമുള്ള മറ്റ് രോഗബാധിതര്ക്കുമാണ് രജിസ്ട്രേഷന് ഒരുക്കിയിരിക്കുന്നത്.
സര്ക്കാര് ആശുപത്രികളില് സൗജന്യ വാക്സിന് സൗകര്യമാണ് ഒരുക്കിയിരിക്കുന്നത്. ആദ്യ ഡോസ് ബുക്ക് ചെയ്യുമ്ബോള് തന്നെ രണ്ടാം ഡോസിനുള്ള തീയതി ഓട്ടോമെറ്റിക്കായി ലഭ്യമാകുന്നതാണ്.
ഓപ്പണ് സ്ലോട്ടുകളുടെ വിശദാംശങ്ങളും കോവിനില് പ്രസിദ്ധീകരിക്കും.
ഏതൊരു ഗുണഭോക്താവിനും അവരുടെ മുന്ഗണനയും സൗകര്യവും നോക്കി എപ്പോള് വേണമെങ്കിലും എവിടെയും ലഭ്യതയ്ക്കനുസരിച്ച് ഒരു സ്ലോട്ട് തിരഞ്ഞെടുക്കാനും ബുക്ക് ചെയ്യാനും കഴിയും.