കേന്ദ്രമന്ത്രി സദാനന്ദ ഗൗഡക്ക് കോവിഡ്
ന്യൂഡല്ഹി: കേന്ദ്രമന്ത്രി സദാനന്ദ ഗൗഡക്ക് കോവിഡ് സ്ഥിരീകരിച്ചു. രോഗവിവരം ട്വിറ്ററിലൂടെ അദ്ദേഹം തന്നെ പങ്കുവെക്കുകയായിരുന്നു.
'കോവിഡ് 19െന്റ രോഗലക്ഷണങ്ങള് ശ്രദ്ധയില്പ്പെട്ടതോടെ പരിശോധന നടത്തി. ഫലം പോസിറ്റീവാകുകയും ചെയ്തു. സ്വയം നിരീക്ഷണത്തില് കഴിയുകയാണ്. ഞാനുമായി സമ്ബര്ക്കത്തില് വന്നവര് നിരീക്ഷണത്തില് പോകണമെന്നും കോവിഡ് മാനദണ്ഡങ്ങള് പാലിക്കണമെന്നും അഭ്യര്ഥിക്കുന്നു. സുരക്ഷിതമായിരിക്കൂ' -സദാനന്ദ ഗൗഡ ട്വീറ്റ് ചെയ്തു.
നേരത്തേ കേന്ദ്ര ആഭ്യന്തരമന്ത്രി അമിത് ഷാക്ക് ഉള്പ്പെടെ കോവിഡ് സ്ഥിരീകരിച്ചിരുന്നു. കേന്ദ്രമന്ത്രി സ്മൃതി ഇറാനി, ഗജേന്ദ്ര സിങ് ഷെകാവത്ത്, നിതിന് ഗഡ്കരി, നിര്മല സീതാരാമന് തുടങ്ങിയവര് സദാനന്ദ ഗൗഡക്ക് വേഗം രോഗമുക്തി നേടാന് ആശംസിച്ചു.