ഇറാഖില് യുഎസ് നടത്തിയ വ്യോമാക്രമണത്തില് ഇറാന് കമാന്ഡര് ഉള്പ്പടെ എട്ടു പേര് കൊല്ലപ്പെട്ടു
ബാഗ്ദാദ്: ഇറാഖില് യുഎസ് നടത്തിയ വ്യോമാക്രമണത്തില് ഇറാന് കമാന്ഡര് കാസിം സുലൈമാനി ഉള്പ്പടെ എട്ടു പേര് കൊല്ലപ്പെട്ടു. ബാഗ്ദാദ് അന്താരാഷ്ട്ര വിമാനത്താവളത്തിലാണ് അമേരിക്ക വ്യോമാക്രമണം നടത്തിയത്. കമാന്ഡറും സംഘവും വിമാനത്താവളത്തിലേക്ക് കാറില് യാത്ര ചെയ്യുമ്ബോഴാണ് ആക്രമണം ഉണ്ടായതെന്നാണ് വിവരം. യുഎസ് ആക്രമണത്തില് രണ്ട് കാറുകള് പൂര്ണമായും നശിച്ചു . ബാഗ്ദാദിലെ യുഎസ് എംബസി തകര്ത്തത്തിന് പിന്നാലെയാണ് ബാഗ്ദാദ് വിമാനത്താവളത്തിന് സമീപം അമേരിക്ക റോക്കറ്റ് ആക്രമണം നടത്തിയത്.
ഇറാനിയന് ഖുദ്സ് ഫോഴ്സ് തലവനാണ് കാസിം സുലൈമാനി. ജനറല് സുലൈമാനിക്കൊപ്പം, ഇറാഖി കമാന്ഡര് അബു മെഹ്ദി അല് മുഹന്ദിസും കൊല്ലപ്പെട്ടട്ടുണ്ടെന്നാണ് ഇറാഖി സ്റ്റേറ്റ് ടെലിവിഷന് വെളിപ്പെടുത്തിയത് .
യുഎസ് പ്രസിഡന്റ് ഡോണാള്ഡ് ട്രംപിന്റെ നിര്ദേശമനുസരിച്ചാണ് ആക്രമണം നടത്തിയതെന്ന് വൈറ്റ് ഹൗസ് വൃത്തങ്ങള് അറിയിച്ചത് .വ്യോമാക്രമണ വാര്ത്ത പുറത്ത് വന്നതിന് പിന്നാലെ ട്രംപ് അമേരിക്കന് പതാക ട്വീറ്റ് ചെയ്തു. യുഎസ് സൈന്യം നടത്തിയ 'ടാര്ഗെറ്റഡ് അസോള്ട്ട്' ആണ് ഇതെന്ന് പേര് വെളിപ്പെടുത്താന് റോയിട്ടേഴ്സ് റിപ്പോര്ട്ട് ചെയ്തു.