ലോകത്തിലെ ഏറ്റവും വലിയ പ്രതിമക്ക് മുന്നില് ജവാന്മാരെ നിയോഗിക്കും
ഡല്ഹി: ലോകത്തിലെ ഏറ്റവും വലിയ പ്രതിമയായ സ്റ്റാച്യു ഓഫ് യൂണിറ്റിയുടെ സുരക്ഷയ്ക്കായി സിഐഎസ്എഫ് ജവാന്മാരെ നിയോഗിക്കും. ഉദ്യോഗസ്ഥരെ നിയമിക്കാന് കേന്ദ്ര ആഭ്യന്തര മന്ത്രാലയം അനുമതി നല്കി. ഓഗസ്റ്റ് 25 മുതല് 272 ജവാന്മാരെ സുരക്ഷക്കായി വിനിയോഗിക്കും.
രാജ്യത്തെ എല്ലാ വിമാനത്താവളങ്ങളിലും ദില്ലി മെട്രോയിലും രാജ്യ തലസ്ഥാനത്തെ തന്ത്രപ്രധാന സര്ക്കാര് കെട്ടിടങ്ങളിലും സുരക്ഷയ്ക്കായി സിഐഎസ്എഫിനെ നിയോഗിച്ചിട്ടുണ്ട്. സെപ്റ്റംബര് 2 മുതല് പട്ടേല് പ്രതിമ ജനങ്ങള്ക്കായി തുറന്ന് കൊടുക്കുമെന്നാണ് പ്രതീക്ഷിക്കുന്നതെന്ന് വാര്ത്താ ഏജന്സിയായ എഎന്ഐ റിപ്പോര്ട്ട് ചെയ്യുന്നു. കൊവിഡിന്റെ പശ്ചാത്തലത്തില് ഗുജറാത്ത് സര്ക്കാര് ഇവിടേക്കുള്ള സന്ദര്ശകരുടെ പ്രവേശനം ഏതാനും മാസങ്ങളായി നിരോധിച്ചിട്ടുണ്ട്.