മുസ്ലിമായതിന്റെ പേരിൽ റൂം ഇല്ല. ഋഷികേശിലെ അനുഭവം പങ്കുവച്ച് മലയാളി യുവാവ് | VIDEO
നാനാത്വത്തിൽ വാക്കുകളിൽ മാത്രം ഒതുങ്ങുന്ന അവസ്ഥയിലേക്ക് മാറുകയാണോ നമ്മുടെ രാജ്യം. മലയാളിയായ യുവാവിനാണ് മതത്തിന്റെ പേരിൽ ദുരനുഭവം ഉണ്ടായത്. ഓൾ ഇന്ത്യ - നേപ്പാൾ - ഭൂട്ടാൻ യാത്ര നടത്തുന്ന കൊല്ലം സ്വദേശി അജിനാസിനാണ് ഋഷികേശിൽ മതത്തിന്റെ പേരിൽ താമസസൗകര്യം നിഷേധിക്കപ്പെട്ടത്. രാത്രി താമസിക്കുന്നതിനായി മുറി അന്വേഷിച്ചിറങ്ങിയ ഇവർക്ക് ആദ്യം മുറി നൽകാം എന്ന് പറയുകയും എന്നാൽ മുസൽമാൻ ആണെന്ന് അറിഞ്ഞപ്പോൾ മുറി നിഷേധിക്കപെടുകയുമാണ് ചെയ്തത്.
ഈ ദുരനുഭവത്തെ അജിനാസ് തന്നെയാണ് സോഷ്യൽ മീഡിയയിലൂടെ പങ്കുവച്ചത്. ഇതുപോലുള്ള അവസ്ഥ കേരളത്തിൽ കൊണ്ട് വരരുതേ എന്ന അഭ്യർത്ഥനയോടെയാണ് വീഡിയോ അവസാനിപ്പിച്ചത്.
ഓഗസ്റ്റ് ഏഴിന് കൊല്ലം ജില്ലയിൽ നിന്നും പുറപ്പെട്ട അജിനാസ്, ഇന്ത്യ - നേപ്പാൾ - ഭൂട്ടാൻ യാത്രയാണ് നടത്തുന്നത്. കുട്ടികൾക്കെതിരായ അതിക്രമത്തിന് എതിരായയുള്ള സന്ദേശം നൽകിക്കൊണ്ടാണ് അജിനാസ് ഈ യാത്ര നടത്തുന്നത്. ഇതിനോടകം അൻപതിലധികം ദിവസങ്ങൾ പിന്നിട്ടു കേരളം, കർണാടകം, ഗോവ, മുംബൈ, ഗുജറാത്ത്, രാജസ്ഥാൻ, മഹാരാഷ്ട്ര, പഞ്ചാബ്, ചണ്ഡീഗഡ്, ഡൽഹി, ഹരിയാന, ഹിമാചൽ, കശ്മീർ എന്നി സംസ്ഥാനങ്ങളും പ്രദേശങ്ങളും പൂർത്തിയാക്കി ഋഷികേശിൽ എത്തിയിരിക്കുകയാണ്.