യുഎഇയില്‍ പുതുതായി കോവിഡ് സ്ഥിരീകരിച്ചവരുടെ എണ്ണത്തില്‍ വന്‍ കുറവ്, രോഗമുക്തര്‍ ഉയര്‍ന്നു തന്നെ
അബുദാബി : യുഎഇയില്‍ ആശ്വാസത്തിന്റെ ഒരു ദിനം കൂടി, തിങ്കളാഴ്ച്ച 164പേര്‍ക്ക്
കോവിഡ് സ്ഥിരീകരിച്ചു. ഏറ്റവും കുറഞ്ഞ രോഗികളുടെ എണ്ണമാണ് രോഗികളുടെ എണ്ണമാണ് റിപ്പോര്‍ട്ട്ചെയ്തിരിക്കുന്നത്. 248 പേര്‍ സുഖം പ്രാപിച്ചു. ഇതോടെ രാജ്യത്ത് രോഗം ബാധിച്ചവരുടെ ആകെ എണ്ണം 61,163ഉം, രോഗമുക്തി നേടിയവരുടെ എണ്ണം 54,863ഉം ആയതായി ആരോഗ്യ-രോഗപ്രതിരോധ മന്ത്രാലയം അറിയിച്ചു. മൂന്ന് ദിവസത്തിനിടെ ഒരു മരണവും സംഭവിക്കാത്തതിനാല്‍, മരണസംഖ്യയില്‍ മാറ്റമില്ല-351. നിലവില്‍ 5,949പേരാണ് ചികിത്സയിലുള്ളത്.
ഖത്തറില്‍ വീണ്ടും ആശ്വാസത്തിന്റെ ദിനം, പുതിയ കോവിഡ് മരണങ്ങളില്ല. 223 പേര്‍ കൂടി സുഖം പ്രാപിച്ചു. ഇതോടെ രാജ്യത്ത് രോഗവിമുക്തി നേടിയവരുടെ എണ്ണം 1,08,002 ആയി ഉയര്‍ന്നു, മരണസംഖ്യ 177. കഴിഞ്ഞ 24മണിക്കൂറിനിടെ 2,256 പേരില്‍ നടത്തിയ പരിശോധനയില്‍ 215 പേര്‍ക്ക് രോഗം സ്ഥിരീകരിച്ചപ്പോള്‍ രാജ്യത്ത് കോവിഡ് ബാധിച്ചവരുടെ ആകെ എണ്ണം 1,11,322 ആയി. നിലവില്‍ 3,143 പേരാണ് ചികിത്സയില്‍ കഴിയുന്നത്. ഇവരില്‍ 75 പേര്‍ തീവ്ര പരിചരണ വിഭാഗത്തിലാണ്. ആകെ 5,02,792 പേരില്‍ പരിശോധന നടത്തി.
കുവൈറ്റില്‍ കഴിഞ്ഞ 24 മണിക്കൂറിനുള്ളില്‍ 388പേര്‍ക്ക് കൂടി കോവിഡ് സ്ഥിരീകരിച്ചു. നാലുപേര്‍ മരണപ്പെട്ടു. ഇതോടെ രാജ്യത്ത് കോവിഡ് ബാധിച്ചവരുടെ എണ്ണം 68299ഉം, മരണം 461ഉം ആയതായി ആരോഗ്യ മന്ത്രാലയം അറിയിച്ചു. 526 പേര്‍ കൂടി സുഖം പ്രാപിച്ചതോടെ രോഗമുക്തി നേടിയവരുടെ എണ്ണം 59,739ആയി ഉയര്‍ന്നു. നിലവില്‍ 8099 പേരാണ് ചികിത്സയിലുള്ളത്. 126 പേര്‍ തീവ്രപരിചരണ വിഭാഗത്തില്‍. 282 കുവൈറ്റികള്‍ക്കും 106 വിദേശികള്‍ക്കുമാണ് പുതുതായി വൈറസ് ബാധിച്ചത്. അഹ്മദി ഗവര്‍ണറേറ്റില്‍ 113 പേര്‍ക്കും ഫര്‍വാനിയ ഗവര്‍ണറേറ്റില്‍ 86 പേര്‍ക്കും ജഹ്റ ഗവര്‍ണറേറ്റില്‍ 83 പേര്‍ക്കും കാപിറ്റല്‍ ഗവര്‍ണറേറ്റില്‍ 63 പേര്‍ക്കും ഹവല്ലി ഗവര്‍ണറേറ്റില്‍ 43 പേര്‍ക്കുമാണ് പുതുതായി കോവിഡ് സ്ഥിരീകരിച്ചത്.
Related News
കോവിഡ് ഡ്യൂട്ടിക്ക് ഹാജരാകാത്ത രണ്ട് ഡോക്ടര്മാരെ പിരിച്ചു വിട്ടു
51,887 പേര്‍ക്ക് കോവിഡ്-19 സ്ഥിരീകരിച്ചു
ഇന്ന് 16,671 പേര്‍ക്ക് കോവിഡ്; രോഗമുക്തി നേടിയവര് 14,242
പ്രഖ്യാപിച്ചത് വന്‍ ഇളവുകള്, കടകള് രാത്രി ഒന്പതുവരെ തുറക്കാം , കല്യാണത്തിനും മരണത്തിനും ഇരുപതുപേര് മാത്രം