രാജ്യത്ത് പ്രതിദിന കൊവിഡ് രോഗബാധിതരുടെ എണ്ണം 3.15 ലക്ഷം കടന്നു
രാജ്യത്തെ പ്രതിദിന കൊവിഡ് രോഗബാധിതരുടെ എണ്ണം 3.15 ലക്ഷം പിന്നിട്ടു.100 ല് 19 പേര്ക്കെന്ന വിധമാണ് രാജ്യത്തെ ഇപ്പോഴത്തെ രോഗബാധ. പ്രതിദിന മരണവും കഴിഞ്ഞ ദിവസം രണ്ടായിരം പിന്നിട്ടിരുന്നു. രോഗവ്യാപനം തീവ്രമാകുമ്ബോള് ദിനം പ്രതി വാക്സീന്, ഓക്സിജന് പ്രതിസന്ധി രാജ്യത്ത് രൂക്ഷമാകുകയാണ്.
മഹാരാഷ്ട്രയില് കോവിഡ് കേസുകള് കുതിച്ചുയരുന്നു. കഴിഞ്ഞ 24 മണിക്കൂറിനിടെ 67,468 പേര്ക്കു കൂടി രോഗബാധ സ്ഥിരീകരിച്ചു. ഇതോടെ ആകെ രോഗം സ്ഥിരീകരിച്ചവരുടെ എണ്ണം 40,27,827 ആയി.
കഴിഞ്ഞ 24 മണിക്കൂറിനിടെ 54,985 പേര് കൂടി രോഗമുക്തി നേടിയപ്പോള് 568 കോവിഡ് മരണങ്ങള് കൂടി സ്ഥിരീകരിച്ചിട്ടുണ്ട്. സംസ്ഥാനത്ത് നിലവില് 6,95,747 സജീവ കേസുകളാണുള്ളത്.
പുണെയിലാണ് ഏറ്റവും കൂടുതല് കോവിഡ് കേസുകള് റിപ്പോര്ട്ട് ചെയ്യപ്പെട്ടിട്ടുള്ളത്. 10,852 പേര്ക്കു കൂടി പുതുതായി രോഗം സ്ഥിരീകരിക്കുകയും 35 പേര്ക്ക് കോവിഡ് ബാധയെ തുടര്ന്ന് ജീവന് നഷ്ടടപ്പെടുകയും ചെയ്തു. മുംബൈയില് കഴിഞ്ഞ 24 മണിക്കൂറിനിടെ 7,684 പേര്ക്കു കൂടി കോവിഡ് സ്ഥിരീകരിച്ചു. 62 പേര് കൂടി രോഗബാധയെ തുടര്ന്ന് മരിച്ചു.
ഇതിനിടെ കൊവിഡ് ചികിത്സയ്ക്ക് ഉപയോഗിക്കുന്ന മരുന്നായ റെംഡിസിവിറിന്റെ ഉത്പാദന പരിധി കേന്ദ്രം കൂട്ടി. 38 ലക്ഷം വയലില് നിന്നും 78 ലക്ഷം വയലാക്കിയാണ് ഉത്പാദന പരിധി ഉയര്ത്തിയത്. കടുത്ത പ്രതിസന്ധി നേരിടുന്ന മഹാരാഷ്ട്രയിലേക്ക് റെംഡിസിവിറിന്റെ ഭൂരിഭാഗം ഡോസും എത്തിക്കും. കൂടുതലായി 20 മരുന്നുല്പ്പാദനകേന്ദ്രങ്ങള്ക്കും കേന്ദ്രം അനുമതി നല്കിയിട്ടുണ്ട്.
19 സംസ്ഥാനങ്ങളിലേക്കായിരിക്കും പുതുതായി ഉത്പാദിപ്പിക്കുന്ന റെംഡിസിവിറിന്റെ ഭൂരിഭാഗം പുതിയ ഡോസുകളും എത്തിക്കുക. ഇതില് സിംഹഭാഗവും കൊവിഡ് രോഗവ്യാപനം പിടിവിട്ടുയരുന്ന മഹാരാഷ്ട്രയിലേക്ക് എത്തിക്കും. മഹാരാഷ്ട്രയ്ക്ക് 2,69,200 വയല് റെംഡിസിവിര് നല്കുമ്ബോള്, ഗുജറാത്തിന് 1,63,500 വയലുകളും, ഉത്തര്പ്രദേശിന് 1,22,800 വയലുകളും മധ്യപ്രദേശിന് 92,400 വയലുകളും, ദില്ലിയ്ക്ക് 61,900 ഡോസുകളും നല്കും.