ശിവശങ്കര് നടത്തിയ ഇടപാടുകള്ക്ക് സര്ക്കാര് ഉത്തരവാദിയല്ല; തള്ളിപ്പറഞ്ഞ് പിണറായി
തിരുവനന്തപുരം: സ്വര്ണക്കടത്ത് കേസില് സര്ക്കാരിനെ കുറ്റപ്പെടുത്താനൊന്നുമില്ലെന്ന് മുഖ്യമന്ത്രി പിണറായി വിജയന്. എം. ശിവശങ്കര് വ്യക്തിപരമായി നടത്തിയ ഇടപാടുകള്ക്ക് സര്ക്കാര് ഉത്തരവാദിയല്ല. ഇതുമായി ബന്ധപ്പെട്ട് നിയമപരമായോ ധാര്മികമായോ ഒരു ഉത്തരവാദിത്വവും സര്ക്കാരിനില്ലെന്നും മുഖ്യമന്ത്രി പറഞ്ഞു.
ശിവശങ്കറിന്റെ ചെയ്തികള് സര്ക്കാരിന്റെ മേല് കെട്ടിവയ്ക്കാന് പ്രതിപക്ഷം ശ്രമിക്കുകയാണ്. കള്ളക്കടത്ത് കേസ് പ്രതിയുമായി ശിവശങ്കറിന് അടുപ്പമുണ്ടെന്ന് കണ്ടപ്പോള് തന്നെ പദവികളില്നിന്നും മാറ്റി. വിവാദ വിഷയങ്ങളില് മറ്റൊ ചേദ്യങ്ങള്ക്കൊന്നും വഴങ്ങാതെ വാര്ത്താ സമ്മേളനം അവസാനിപ്പിക്കുകയും ചെയ്തു.