ഓക്‌സ്ഫഡ് സര്‍വ്വകലാശാലയുടെ കൊറോണ വാക്സിന് 90 ശതമാനം വരെ ഫലപ്രദമെന്ന് കമ്പനി
ലണ്ടന്‍: ഓക്‌സ്ഫഡ് സര്‍വ്വകലാശാലയുമായി ചേര്‍ന്ന് വികസിപ്പിക്കുന്ന കൊറോണ വാക്സിന് 90 ശതമാനം വരെ ഫലപ്രദമാണെന്ന് നിര്‍മ്മാതാക്കളായ ആസ്ട്രസെനേക. പരീക്ഷണത്തിന്റെ ശരാശരി ഫലപ്രാപ്തി 70 ശതമാനം വരെയാണെന്ന് കമ്പനി അറിയിച്ചു. വാക്സിന് ഗുരുതര പാര്‍ശ്വ ഫലങ്ങളില്ലെന്നും കമ്പനി അവകാശപ്പെട്ടു മൂന്നാം ഘട്ട പരീക്ഷണത്തില്‍ വ്യക്തമായി.
വൈറസിനെ പ്രതിരോധിക്കാന്‍ വാക്സിന് ശേഷിയുണ്ടെന്നാണ് ഇതിന്റെ ഫലപ്രാപ്തിയും സുരക്ഷാ പരിശോധനയും ഉറപ്പ് നല്‍കുന്നതെന്ന് ആസ്ട്രാസെനേക മേധാവി പാസ്‌കല്‍ സോറിയോട്ട് വ്യക്തമാക്കി. ഒരു മാസത്തെ ഇടവേളയില്‍ ആദ്യം പകുതി ഡോസും പിന്നീട് മുഴുവന്‍ ഡോസും നല്‍കിയപ്പോള്‍ ഫലപ്രാപ്തി 90 ശതമാനമായിരുന്നു. ഒരു മാസം ഇടവിട്ടുള്ള രണ്ടു പൂര്‍ണ്ണ ഡോസുകള്‍ നല്‍കിയപ്പോള്‍ 62 ശതമാനമായിരുന്നു ഫലപ്രാപ്തി. രണ്ടു തരത്തിലുള്ള ഡോസുകളിലും ഗുരുതരമായ പാര്‍ശ്വ ഫലങ്ങളൊന്നും കണ്ടെത്താനായില്ലെന്ന് കമ്പനി വ്യക്തമാക്കി.
സെറം ഇന്‍സ്റ്റിറ്റ്യൂട്ടുമായി ചേര്‍ന്ന് 100 കോടി ഡോസ് ഉത്പാദിപ്പിക്കാനാണ് ആസ്ട്രസെനേക ലക്ഷ്യമിടുന്നത്.
Related News