സുഗതകുമാരിയുടെ സംസ്കാരം വൈകിട്ട് നാലിന് ശാന്തി കവാടത്തില്; പൊതുദര്ശനമില്ല
തിരുവനന്തപുരം: അന്തരിച്ച കവയിത്രി സുഗതകുമാരിയുടെ സംസ്കാരം വൈകിട്ട് നാലിന് തിരുവനന്തപുരം ശാന്തി കവാടത്തില് നടക്കും. കോവിഡ് സുരക്ഷാ മാനദണ്ഡങ്ങള് പാലിച്ച് ഒൗദ്യോഗിക ബഹുമതികളോടെയാവും സംസ്കാര ചടങ്ങുകള് നടക്കുക.
പൊതുദര്ശനമുണ്ടാകില്ല. മെഡിക്കല് കോളജ് ആശുപത്രിയിലാണ് ഇപ്പോള് ഭൗതിക ശരീരം ഇപ്പോഴുള്ളത്. മൂന്നരയോടെ ശാന്തി കവാടത്തിലേക്ക് കൊണ്ടുപോകും.
ഉച്ചയ്ക്ക് ഒരു മണി മുതല് അയ്യന്കാളി ഹാളില് സുഗതകുമാരിയുടെ ഛായാചിത്രത്തിനു മുന്നില് പൊതുജനങ്ങള്ക്ക് പുഷ്പാഞ്ജലി അര്പ്പിക്കാന് അവസരം ഒരുക്കിയിട്ടുണ്ട്.
കൊവിഡ് ബാധിച്ച് തിരുവനന്തപുരം മെഡിക്കല് കോളജ് ആശുപത്രിയില് ചികില്സയിലിരിക്കെ ഇന്ന് രാവിലെ 10:52-ഓടെയാണ് അന്ത്യം. ശ്വസനപ്രക്രിയ പൂര്ണമായും വെന്റിലേറ്റര് സഹായത്തിലായിരുന്നു.
ഹൃദയത്തിന്റെ പ്രവര്ത്തനത്തിനും തകരാര് സംഭവിച്ചിരുന്നു. മരുന്നുകളോട് തൃപ്തികരമായി പ്രതികരിക്കുന്നില്ലെന്ന് ആശുപത്രി സൂപ്രണ്ട് ഡോ എം എസ് ഷര്മ്മദ് അറിയിച്ചിരുന്നു. വിദഗ്ധ ഡോക്ടര്മാരുടെ സംഘത്തിന്റെ സൂക്ഷ്മ നിരീക്ഷണത്തിലായിരുന്നു സുഗതകുമാരി. തിങ്കളാഴ്ചയാണ് സുഗതകുമാരിയെ തലസ്ഥാനത്തെ സ്വകാര്യ ആശുപത്രിയില് നിന്നും മെഡിക്കല് കോളേജ് ആശുപത്രിയില് പ്രവേശിപ്പിച്ചത്. കോവിഡ് സ്ഥിരീകരിച്ച സുഗതകുമാരിയ്ക്ക് ആശുപത്രിയിലെത്തുമ്ബോള് ബ്രോങ്കോ ന്യുമോണിയയെ തുടര്ന്നുള്ള ശ്വാസതടസമാണ് പ്രധാന പ്രശ്നമായി ഉണ്ടായിരുന്നത്. ആശുപത്രിയില് പ്രവേശിപ്പിച്ചയുടന് വിദഗ്ധ ഡോക്ടര്മാരുടെ സംഘം പരിശോധിക്കുകയും തീവ്രപരിചരണത്തില് വെന്റിലേറ്ററിലേയ്ക്ക് മാറ്റുകയുമായിരുന്നു.