ദുരിതാശ്വാസ നിധിയിലേക്ക് സംഭാവന നൽകാൻ ഒരു ആടിനെ വിറ്റു; പകരം കിട്ടിയത് അഞ്ച് ആടുകളെ
കൊല്ലം : ദുരിതാശ്വാസ നിധിയിലേക്ക് സംഭാവന നൽകാൻ ആടിനെ വിറ്റ സുബൈദക്ക് പകരം കിട്ടിയത് അഞ്ച് ആടിനെ. ദുരിതാശ്വാസ നിധിയിലേക്ക് സംഭാവന നൽകാൻ ആടിനെ വിറ്റ സുബൈദയെ മുഖ്യമന്ത്രി ഉൾപ്പെടെ പ്രശാസിച്ചത് നാം കണ്ടതാണ്. ആ മഹാ മനസിന് കൈത്താങ്ങായി ആദാമിൻ്റെ ചായക്കടയുടെ ഉടമ അനീസ്. അനീസാണ് സുബൈദക്ക് അഞ്ച് ആടുകളെ സമ്മാനിച്ചത്. കലക്ടർ ബി. അബ്ദുൽനാസറും മുകേഷ് എം. എൽ. എയും ചേർന്ന് വീട്ടിലെത്തി ആടിനെ കൈമാറി. സുബൈദയുടെ മാതൃക ലോകം മുഴുവൻ അഭിനന്ദിക്കുമെന്നും ദുരിതാശ്വാസ നിധിയിലേക്ക് ചെറുതും വലുതുമായ നിരവധി സംഭാവനകൾ വരുന്നുണ്ടന്നും കലക്ടർ പറഞ്ഞു.