ഷെയ്ന് നിഗം വഞ്ചിച്ചെന്ന് നിര്മാതാവ് ജോബി ജോര്ജ്
ഭീഷണിപ്പെടുത്തിയെന്ന നടന് ഷെയ്ന് നിഗത്തിന്റെ പരാതിയില് വിശദീകരണവുമായി നിര്മാതാവ് ജോബി ജോര്ജ്. ഷെയ്ന് നിഗത്തെ ഭീഷണിപ്പെടുത്തിയിട്ടില്ലെന്ന് ജോബി ജോര്ജ് പറഞ്ഞു.ആദ്യം 30 ലക്ഷം ആവശ്യപ്പെട്ട നടന് പിന്നീട് 40 ലക്ഷം വേണമെന്ന ആവശ്യം മുന്നോട്ടു വെച്ചു. പ്രതിഫലമായി 30 ലക്ഷം കൈപ്പറ്റിയെന്നും ജോബി ജോര്ജ് ആരോപിച്ചു.
സിനിമയില് അഭിനയിക്കുന്നതിന് ഡേറ്റ് നല്കിയ ശേഷം നടന് വഞ്ചിച്ചു. നടനെതിരെ നിര്മാതാക്കളുടെ സംഘടനക്ക് പരാതി നല്കിയെന്നുംജോബി ജോര്ജ് മാധ്യമങ്ങളോട് പറഞ്ഞു.
സിനിമ നിര്മാതാവ് ജോബി ജോര്ജ് വധഭീഷണി മുഴക്കിയതായും ആക്ഷേപിച്ചതായും ആരോപിച്ച് നടന് ഷെയ്ന് നിഗം കഴിഞ്ഞ ദിവസമാണ് രംഗത്തെത്തിയത്. ഗുഡ്വില് എന്റര്ടെയിന്മെന്റ് നിര്മിക്കുന്ന 'വെയില്' എന്ന ചിത്രത്തിലെ നായകനാണ് ഷെയ്ന് നിഗം. ചിത്രത്തിെന്റ ഒന്നാം ഷെഡ്യൂള് കഴിഞ്ഞ ശേഷം മറ്റൊരു ചിത്രമായ 'കുര്ബാനി'ക്കുവേണ്ടി പിന്നിലെ മുടി വെട്ടിയതിനെ തുടര്ന്ന് വെയിലിന്റെ ഷൂട്ടിങ് മുടക്കാനാണ് ഇത് ചെയ്തതെന്ന് ആരോപിച്ചാണ് നിര്മാതാവ് വധഭീഷണി മുഴക്കിയതെന്നാണ് ഷെയ്ന് നിഗത്തിന്റെ ആരോപണം.
രണ്ടു ചിത്രങ്ങളിലുമായി മൂന്നു ഗെറ്റപ്പുകളിലാണ് ഷെയ്ന് നിഗം എത്തുന്നത്. ഇതില് വെയിലില് മുടി നീട്ടി വളര്ത്തി എത്തുന്നുണ്ട്. കുര്ബാനിയിലെ കഥാപാത്രത്തിനായി പിറകിലെ മുടി വെയിലിന്റെ ഒന്നാം ഷെഡ്യൂളിന് ശേഷം അല്പം മാറ്റി. ഇത് വെയിലിന്റെ ഷൂട്ടിങ് മുടക്കാനാണെന്ന് തെറ്റിദ്ധരിച്ചാണ് നിര്മാതാവ് ഭീഷണി മുഴക്കിയതെന്നും നിഗം പറയുന്നു.
വെയിലിനായി ഒന്നാം ഷെഡ്യൂള് 20 ദിവസമായിരുന്നു നിശ്ചയിച്ചിരുന്നത്. എന്നാല്, 16 ദിവസത്തിനുള്ളില് ഷൂട്ടിങ് പൂര്ത്തിയാക്കി സന്തോഷത്തോടെയാണ് കുര്ബാനിയുെട സെറ്റിലേക്ക് േപായത്. നവംബര് 15ന് ശേഷമാണ് വെയിലിന്റെ രണ്ടം ഷെഡ്യൂള്. അപ്പോഴേക്കും പരിഹരിക്കാവുന്ന ഗെറ്റപ്പ് മാറ്റാത്തതിെന്റ പേരില് ആക്ഷേപവും ഭീഷണിയും നടത്തിയതിനെതിരെ താരസംഘടനയായ അമ്മക്ക് പരാതി നല്കിയതായും അമ്മ, പ്രൊഡ്യൂസേഴ്സ് അസോസിയേഷനുമായി ബന്ധപ്പെട്ടതായും ഷെയ്ന് നിഗം പറഞ്ഞു. പൊലീസിനെ സമീപിക്കാനാണ് തീരുമാനമെന്നും ഷെയ്ന് നിഗം പറയുന്നു.