ചില കൊലപാതകങ്ങളെക്കുറിച്ച് അറിയാമായിരുന്നു, ജോളി തന്നെയും വധിക്കുമെന്ന് ഭയപ്പെട്ടിരുന്നതായി ഷാജു

News Desk

07 October 2019 02:16 PM

കോഴിക്കോട്: കൂടത്തായിയിലെ കൊലപാതകങ്ങളില്‍ പോലീസ് നടത്തിയ വിശദമായ ചോദ്യംചെയ്യലിനിടെ ചില കൊലപാതകങ്ങളെ കുറിച്ച് തനിക്ക് അറിവുണ്ടായിരുന്നുവെന്ന് ഷാജു മൊഴി നല്‍കി. അതൊന്നും പുറത്തുപറഞ്ഞില്ല. പുറത്തുപറഞ്ഞാല്‍ ജോളി തന്നെയും വധിക്കുമോ എന്ന് ഭയപ്പെട്ടിരുന്നു. അതിനാലാണ് ഇക്കാര്യം പറയാതിരുന്നതെന്നും ഷാജു അന്വേഷണസംഘത്തോട് പറഞ്ഞു. ഒരു അധ്യാപകനായ താന്‍ ഇങ്ങനെ ചെയ്യാന്‍ പാടില്ലായിരുന്നെന്നും ഷാജു മൊഴി നല്‍കിയിട്ടുണ്ട്.

Sponsered Ad

ജോളിയെ സംശയിച്ചിരുന്നില്ലെന്നും കൊലപാതകങ്ങളുമായി ബന്ധപ്പെട്ട് പോലീസ് ജോളിയെ ചോദ്യംചെയ്തപ്പോള്‍ മാത്രമാണ് അവരുടെ പങ്കിനെ കുറിച്ച് അറിയാന്‍ കഴിഞ്ഞെതുമായിരുന്നു ഷാജുവിന്റെ ആദ്യപ്രതികരണം. ജോളി എന്‍ ഐ ടി അധ്യാപികയാണെന്നാണ് മറ്റുള്ളവരെ പോലെ താനും വിശ്വസിച്ചിരുന്നതെന്നും അന്ന് ഷാജു പറഞ്ഞിരുന്നു.