സെക്രട്ടേറിയറ്റിലെ തീപ്പിടിത്തം: മാധ്യമങ്ങള്‍ക്കെതിരെ നിയമനടപടിക്കൊരുങ്ങി സര്‍ക്കാര്‍
തിരുവനന്തപുരം: സെക്രട്ടേറിയറ്റിലെ തീപ്പിടിത്തവുമായി ബന്ധപ്പെട്ട് മാധ്യമങ്ങള്‍ക്കെതിരെ നിയമനടപടിക്കൊരുങ്ങി സംസ്ഥാന സര്‍ക്കാര്‍. തെറ്റായ വാര്‍ത്ത നല്‍കിയെന്ന് ചൂണ്ടിക്കാട്ടി പ്രസ് കൗണ്‍സിലിനും പരാതി നല്‍കും. ഇന്നത്തെ മന്ത്രിസഭാ യോഗത്തിലാണ് തീരുമാനം. നയതന്ത്രവുമായി ബന്ധപ്പെട്ട ഫയലുകള്‍ കത്തിനശിച്ചു എന്ന വാര്‍ത്തകള്‍ നല്‍കിയ മാധ്യമങ്ങള്‍ക്കെതിരേ സിആര്‍പിസി 199 (2) വകുപ്പ് പ്രകാരം നിയമ നടപടി സ്വീകരിക്കാനാണ് തീരുമാനം. ഇതിനായി സംസ്ഥാന ആഭ്യന്തര സെക്രട്ടറി പി കെ ജോസിനെ ചുമതലപ്പെടുത്താനും മന്ത്രിസഭാ യോഗത്തില്‍ തീരുമാനമായി.
സെക്രട്ടറിയേറ്റിലെ പൊതുഭരണ വിഭാഗത്തിലെ പൊളിറ്റിക്കല്‍ വിഭാഗത്തിലുണ്ടായ തീപ്പിടിത്തത്തില്‍ ഫയലുകള്‍ കത്തി നശിച്ചുവെന്ന പ്രതിപക്ഷ ആക്ഷേപം ഉണ്ടായിരുന്നു. ഇത് മാധ്യമങ്ങളില്‍ വാര്‍ത്തയായിരുന്നു. തീപ്പിടിത്തത്തില്‍ ഫയലുകള്‍ കത്തി നശിച്ചു എന്ന വാര്‍ത്തയും പ്രസ്താവനയും നല്‍കിയ എല്ലാവര്‍ക്കുമെതിരേ നിയമ നടപടി സ്വീകരിക്കാനാണ് മന്ത്രിസഭാ തീരുമാനം. ഇക്കാര്യത്തിന് എജിയില്‍നിന്ന് സര്‍ക്കാര്‍ നിയമോപദേശം തേടിയിരുന്നു.
Related News
ഡല്ഹി എയിംസില് തീപിടിത്തം; ആളപായമില്ല
മണ്ടയ്ക്കാട് ദേവി ക്ഷേത്രത്തില് തീപിടിത്തം, മേല്ക്കൂര കത്തിയമര്ന്നു
എടിഎമ്മില് നിന്നും പണം ലഭിച്ചില്ല: പെട്രോള് ഒഴിച്ച് തീയിട്ട് യുവാവ്, സംഭവം കൊച്ചിയില്
ഗുജറാത്തിലെ ആശുപത്രിയില് തീപിടിത്തം: 18 കോവിഡ് രോഗികള്ക്ക് ദാരുണാന്ത്യം