ട്രയല്സ് 350 വിപണിയില് നിന്നും പിന്വലിക്കാനൊരുങ്ങി റോയല് എന്ഫീല്ഡ്
ട്രയല്സ് 350 വിപണിയില് നിന്നും പിന്വലിക്കാനൊരുങ്ങി റോയല് എന്ഫീല്ഡ്.ബൈക്കിന് വില്പ്പന കുറഞ്ഞതോടെയാണ് വില്പ്പന അവസാനിപ്പിക്കുന്നതെന്നാണ് റിപ്പോര്ട്ട്.
ക്ലാസിക്ക് 350 ട്രയല്സ്, ക്ലാസിക്ക് 500 ട്രയല്സ് എന്നിങ്ങനെ രണ്ട് പതിപ്പുകളെയാണ് കമ്ബനി വിപണിയില് പുറത്തിറക്കിയത്. 1.62 ലക്ഷം രൂപയാണ് ക്ലാസിക്ക് 350 ട്രയല്സ് എഡിഷന് വില. ക്ലാസിക്ക് 500 ട്രയല്സ് 2.07 ലക്ഷം രൂപയുമാണ് വില.രാജ്യത്തെ ഏറ്റവും വിലകുറഞ്ഞ സ്ക്രാമ്ബ്ളര് ബൈക്കുകളെന്ന വിശേഷണവും പുതിയ റോയല് എന്ഫീല്ഡ് ക്ലാസിക്ക് സ്ക്രാമ്ബ്ളര് പതിപ്പുകള് വരവില് കരസ്ഥമാക്കിയിരുന്നു.
ഉയര്ന്ന എക്സ്ഹോസ്റ്റ് സംവിധാനമാണ് ബൈക്കുകളുടെ മുഖ്യാകര്ഷണം. ഉയര്ന്നു നിലകൊള്ളുന്നതിനാല് ജലാശയങ്ങള് മുറിച്ച് കടക്കാന് ട്രയല്സ് എഡിഷന് വലിയ പ്രയാസമുണ്ടാകില്ല. വലിയ ടയര്, സ്പോക്ക്ഡ് വീല്, സിംഗിള് സീറ്റ്, റിയര് ക്യാരിയര്, പിന്നിലെ ഉയര്ന്ന മഡ്ഗാര്ഡ് എന്നിവയാണ് ട്രയല്സിലെ മറ്റ് പ്രധാന സവിശേഷതകള്.