'രാഹുല്‍ ഗാന്ധി പരാജയപ്പെട്ട നേതാവ്'; എ.വിജയരാഘവന്‍
പാലക്കാട്: രാഹുല്‍ ഗാന്ധി പരാജയപ്പെട്ട നേതാവെന്ന് സിപിഎം സംസ്ഥാന സെക്രട്ടറി എ.വിജയരാഘവന്‍. ഇടതുപക്ഷവും ബിജെപിയും ഒത്തുകളിക്കുകയാണെന്ന രാഹുല്‍ ഗാന്ധിയുടെ പരാമര്‍ശം അടുത്തിടെ കേട്ട ഏറ്റവും വലിയ തമാശയാണ്. പൂര്‍ണമായും പരാജയപ്പെട്ട നേതാവാണ് കേരളത്തില്‍ വന്ന് സര്‍ക്കാരിനെതിരേ പറയുന്നതെന്നും അദ്ദേഹം പറഞ്ഞു.
കേരളത്തിലെ ജനങ്ങളെ പരിഹസിക്കുന്ന നിലപാടാണ് രാഹുല്‍ ഗാന്ധിയുടേത്. കേരള സന്ദര്‍ശനം നടത്തുന്ന രാഹുല്‍ ഗാന്ധിയുടെ പ്രസംഗത്തിന്റെ സ്വഭാവം വെച്ചുനോക്കിയാല്‍ തദ്ദേശ തിരഞ്ഞെടുപ്പിലുള്‍പ്പടെ കണ്ട കോണ്‍ഗ്രസ്- ബി.ജെ.പി. ഐക്യത്തെ മറച്ചുവെക്കുകയാണ് അദ്ദേഹം ചെയ്തത്. പുതുച്ചേരിയിലെ കാലുമാറ്റം തടയാന്‍ കഴിയാത്ത ആളാണ് കേരളത്തില്‍ വന്ന് സര്‍ക്കാറിനെതിരെ പറയുന്നത്.
കേരളത്തിലെ യഥാര്‍ഥ വിഷയങ്ങളെ കുറിച്ചുളള അവഗാഹക്കുറവ് അതിലുണ്ട്. പിണറായി വിജയനെ താഴെയിറക്കാന്‍ മോദിയുടെ സഹായം തേടണമെന്ന് ആഗ്രഹിക്കുന്നവരാണ് കേരളത്തിലെ കോണ്‍ഗ്രസ് നേതൃത്വം. അതിന്റെ ഇംഗ്ലീഷ് പരിഭാഷയായി മാറുകയാണ് രാഹുലിന്റെ പ്രസംഗമെന്നും വിജയരാഘവന്‍ കുറ്റപ്പെടുത്തി.
Related News
മന്ത്രിയുടെ രാജി സ്വാഗതാര്ഹം; ജലീലിന്റേത് ധാര്മികത ഉയര്ത്തിപ്പിടിച്ചുള്ള സമീപനം: എ വിജയരാഘവന്‍
കോവിഡിന്റെ രണ്ടാം വരവ്; കേന്ദ്ര സര്ക്കാരിന്റെ പരാജയപ്പെട്ട നയങ്ങളെന്ന്; രാഹുല്‍ ഗാന്ധി
എല്ഡിഎഫിന് തുടര്ഭരണം ഉറപ്പ് ; എ. വിജയരാഘവന്‍
രാഹുല്ഗാന്ധി എംപി ഇന്ന് വയനാട്ടില്