പുനര്‍നിര്‍മ്മാണത്തിനുള്ള പാലാരിവട്ടം പാലത്തിന്‍റെ പ്രാഥമിക ജോലികള്‍ തിങ്കളാഴ്ച ആരംഭിക്കും
കൊച്ചി: പാലാരിവട്ടംപാലം പൊളിച്ചുപണിയാനുള്ള തീരുമാനത്തിന്‍റ ഭാഗമായി പാലത്തിന്‍റെ പ്രാഥമിക ജോലികള്‍ തിങ്കളാഴ്ച ആരംഭിക്കുമെന്ന് ഊരാളുങ്കല്‍ ലേബര്‍ കോണ്‍ട്രാക്റ്റ് സൊസൈറ്റി അറിയിച്ചു. പുനര്‍നിര്‍മാണത്തിന്റെ സമയക്രമം ഇന്ന് തീരുമാനിക്കും. ആധുനിക കേരളത്തിലെ ഏറ്റവും വലിയ എന്‍ജിനീയറിങ് ദുരന്തം ആയിരുന്നു പാലാരിവട്ടം പാലം.
നിര്‍മാണത്തിന്റെ പ്രവര്‍ത്തനം ഇ.ശ്രീധരന്‍ ഏറ്റെടുക്കണമെന്ന് പറഞ്ഞ് സര്‍ക്കാര്‍ അദ്ദേഹവുമായി ചര്‍ച്ച നടത്തിയിരുന്നു. ഇതിന്‍റെ അടിസ്ഥാനത്തില്‍ പാലത്തിന്‍റെ നിര്‍മാണ മേല്‍നോട്ടം മെട്രോമാന്‍ ഇ.ശ്രീധരനാണ്. പാലാരിവട്ടം പുനര്‍ നിര്‍മാണത്തിനു സംസ്ഥാന സര്‍ക്കാര്‍ ഡല്‍ഹി മെട്രോ റെയില്‍ കോര്‍പറേഷനു പണം തരേണ്ടതില്ലെന്ന് ഇ. ശ്രീധരന്‍ മുഖ്യമന്ത്രിയെ നേരത്തെ അറിയിച്ചിരുന്നു. കൊച്ചിയില്‍ ഡിഎംആര്‍സി പണിത 4 പാലങ്ങള്‍ എസ്റ്റിമേറ്റ് തുകയെക്കാള്‍ കുറഞ്ഞ സംഖ്യക്കു പൂര്‍ത്തിയാക്കിയതു കാരണം ബാക്കി വന്ന 17.4 കോടി രൂപ ബാങ്കിലുണ്ട്. അത് ഉപയോഗിച്ച്‌ പാലാരിവട്ടം പാലം നിര്‍മിക്കാമെന്ന് അദ്ദേഹം അറിയിച്ചിരുന്നു. പാലത്തിന്‍റെ ടാറ് ഇളകി മാറ്റുന്ന ജോലിയാവും ആദ്യം ആരംഭിക്കുക.
Related News
പാലാരിവട്ടം പാലം തുറന്നത് ആഘോഷമാക്കി എല്.ഡി.എഫ് തെരഞ്ഞെടുപ്പ് പ്രചാരണത്തിലേക്ക്
പാലാരിവട്ടം മേല്പ്പാലം മാര്ച്ച് 7 ന് തുറക്കും: ഉദ്ഘാടന ചടങ്ങുകൾ ഉണ്ടാകില്ല
പാലാരിവട്ടം പാലത്തിന്‍റെ ഭാര പരിശോധന പൂര്ത്തിയായി; സര്ക്കാരിന് ഇന്ന് റിപ്പോര്ട്ട് കൈമാറും
പാലാരിവട്ടം പാലത്തിലെ ഭാരപരിശോധന ഇന്ന് ആരംഭിക്കും