Sunday, August 09, 2020
 
 
News

50 വയസ്സിന് മുകളിലുള്ള പൊലീസുകാരെ ഫീല്‍ഡ് ഡ്യൂട്ടിയ്ക്ക് നിയോഗിക്കരുത്

the indian state Admin
01 August 2020 02:00 PM

തിരുവനന്തപുരം: 50 വയസ്സിന് മുകളിലുള്ള പൊലീസുകാരെ ഫീല്‍ഡ് ഡ്യൂട്ടിയ്ക്ക് നിയോഗിക്കരുതെന്ന് ഡിജിപി ലോക്നാഥ് ബെഹ്റ. ഇനി 50 വയസില്‍ താഴെയാണെങ്കിലും എന്തെങ്കിലും അസുഖമുള്ളവരെ ഫീല്‍ഡ് ഡ്യൂട്ടിയ്ക്ക് ഉപയോഗിക്കരുതെന്നും ഡിജിപി നിര്‍ദ്ദേശിച്ചിട്ടുണ്ട്.

കോറോണ പ്രതിരോധ പ്രവര്‍ത്തനങ്ങളില്‍ ഏര്‍പ്പെടുന്ന പോലീസുകാര്‍ വലിയ പ്രതിസന്ധികള്‍ നേരിടുന്ന ഈ സാഹചര്യത്തിലാണ് ഡിജിപി ഇപ്രകാരമൊരു സര്‍ക്കുലര്‍ പുറത്തിറക്കിയത്.

50 വയസിന് മുകളിലുള്ളവരെ കോറോണ (Covid19) ഫീല്‍ഡ് ഡ്യൂട്ടിക്കോ ക്രമസമാധാന പാലനത്തിന്റെ ഭാഗമായോ വാഹനങ്ങള്‍ പരിശോധിക്കുന്നതിനോ നിയോഗിക്കാന്‍ പാടില്ലെന്നും നിര്‍ദ്ദേശത്തില്‍ പറയുന്നുണ്ട്. മാത്രമല്ല അഥവാ 50 വയസിന് താഴെയുള്ളവരെ നിയോഗിക്കുകയാണെങ്കില്‍ അവര്‍ക്ക് ഗുരുതരമായ മറ്റ് അസുഖങ്ങളൊന്നും ഇല്ലെന്ന് ഉറപ്പാക്കണമെന്നും നിര്‍ദ്ദേശത്തില്‍ വ്യക്തമാക്കുന്നുണ്ട്.

കൂടാതെ ഡ്യൂട്ടിയ്ക്ക് വരുന്ന പൊലീസുകാര്‍ ഡ്യൂട്ടിസമയത്തും അതുകഴിഞ്ഞ് വീട്ടിലെത്തുമ്പോഴും ആരോഗ്യവകുപ്പിന്റെ മാര്‍ഗനിര്‍ദ്ദേശങ്ങള്‍ പാലിക്കണമെന്നും അവരുടെ . കുടുംബാംഗങ്ങളും ആരോഗ്യവകുപ്പിന്റെ നിര്‍ദ്ദേശങ്ങള്‍ പാലിക്കണമെന്നും അറിയിച്ചിട്ടുണ്ട്. ഇതിനിടയില്‍ ഒരു പൊലീസ് ഉദ്യോഗസ്ഥന് കോറോണ ബാധിച്ചതിനെ തുടര്‍ന്ന് കേരള പൊലീസ് ആസ്ഥാനം അടച്ചു.

രോഗം സ്ഥിരീകരിച്ചത് റിസപ്ഷനില്‍ ഡ്യൂട്ടിയിലുണ്ടായിരുന്ന ഉദ്യോഗസ്ഥനാണ്. ശുചീകരണ പ്രവര്‍ത്തനങ്ങള്‍ക്ക് ശേഷം രണ്ടു ദിവസം കഴിഞ്ഞ് പൊലീസ് ആസ്ഥാനം തുറക്കും. അവധി ദിനങ്ങള്‍ ആയതിനാല്‍ പൊലീസിന്റെ പ്രവര്‍ത്തനത്തെയൊന്നും ബാധിക്കില്ലയെന്നും അധികൃതര്‍ അറിയിച്ചിട്ടുണ്ട്.

Related News

Registration Login
Sign in with social account
or
Lost your Password?
Registration Login
Sign in with social account
or
A password will be send on your post
Registration Login
Registration