നിയന്ത്രണങ്ങളോടെ മദ്യവിൽപന ശാലകള് തുറക്കാന് അനുമതി
ന്യൂഡല്ഹി: രാജ്യത്തെ മദ്യശാലകള് തുറന്നുപ്രവര്ത്തിക്കാന് കേന്ദ്ര സര്ക്കാരിന്റെ അനുമതി. ലോക്ക്ഡൗണ് നീട്ടിക്കൊണ്ട് കേന്ദ്ര ആഭ്യന്തര മന്ത്രാലയം പുറത്തിറക്കിയ മാര്ഗരേഖയില് ഉപാധികളോടെ മദ്യശാലകള് തുറക്കാന് അനുമതി നല്കിയത്.
കടയില് സാധനം വാങ്ങാനെത്തുന്ന ആളുകള് തമ്മില് ആറടി അകലം വേണം. ഒരുസമയത്ത് അഞ്ചുപേരില് കൂടുതല് ആളുകള് പാടില്ലെന്നും മാര്ഗനിര്ദേശത്തില് പറയുന്നു. ബാറുകള് തുറക്കാന് അനുമതിയില്ല. പാന്, ഗുഡ്ക, പുകയില ഉത്പന്നങ്ങള് തുടങ്ങിയവ വില്ക്കുന്ന കടകള്ക്കും തുറന്നു പ്രവര്ത്തിക്കാന് അനുമതിയുണ്ട്.