പത്രിക സമര്പ്പണം കഴിഞ്ഞു; ഒന്നരലക്ഷം സ്ഥാനാര്ഥികള്
തിരുവനന്തപുരം: തദ്ദേശഭരണ തെരഞ്ഞെടുപ്പില് നാമനിര്ദേശ പത്രിക സമര്പ്പിക്കാനുള്ള സമയം അവസാനിച്ചു. ഇന്ന് വൈകുന്നേരം ആറു വരെ 1,52,292 പേരാണ് നാമനിര്ദേശ പത്രിക സമര്പ്പിച്ചത്. സംസ്ഥാന തെരഞ്ഞെടുപ്പ് കമ്മീഷന്റെ വെബ്സൈറ്റില് അപ്ലോഡ് ചെയ്തിട്ടുള്ള നാമനിര്ദേശ പത്രികകളുടെ കണക്കാണിത്. ഗ്രാമപഞ്ചായത്തുകളിലേക്ക് 1,14,515, ബ്ലോക്ക് പഞ്ചായത്തുകളിലേക്ക് 12,322 , ജില്ലാ പഞ്ചായത്തുകളിലേക്ക് 1,865 പത്രികകളാണ് ലഭിച്ചത്. 19,747 പത്രികകളാണ് മുനിസിപ്പാലിറ്റികളിലേക്ക് ലഭിച്ചത്. ആറ് കോര്പ്പറേഷനുകളിലേക്ക് 3,843 നാമനിര്ദേശ പത്രികകളും ലഭിച്ചു. പത്രികകളുടെ സൂക്ഷ്മ പരിശോധന വെള്ളിയാഴ്ച നടക്കും. പത്രിക പിന്വലിക്കാനുള്ള അവസാന തീയതി 23 ആണ്.