പാലാരിവട്ടം പാലം; കോടതി വിധി ഉടന് നടപ്പിലാക്കുമെന്ന് മുഖ്യമന്ത്രി
പാലാരിവട്ടം പാലം വിഷയത്തില് കോടതി വിധി ഉടന് നടപ്പിലാക്കുമെന്ന് മുഖ്യമന്ത്രി പിണറായി വിജയന്. ഇ ശ്രീധരന്റെ പങ്കാളിത്തം ഉറപ്പാക്കും. നടപടികള് സ്വീകരിച്ചു വന്നിരുന്നു. ഹെെക്കോടതി വിഷയത്തില് ഇടപെട്ടപ്പോഴാണ് നടപടി വൈകിയത്. കഴിയാവുന്ന വേഗത്തില് പാലം പൊളിച്ച് പുതിയത് പണിയും.
കഴിയാവുന്ന വേഗത്തില് പാലം നിര്മിക്കുമെന്നും മുഖ്യമന്ത്രി. സര്ക്കാരിന് ആശയക്കുഴപ്പമില്ല. പാലം അഴിമതിക്കേസില് അന്വേഷണം കൃത്യമായി നടക്കുന്നു. അവസാന ഘട്ടത്തില് എത്തിക്കൊണ്ടിക്കുന്നുവെന്നാണ് മനസിലാക്കുന്നതെന്ന് മുഖ്യമന്ത്രി പറഞ്ഞു.
പാലാരിവട്ടം പാലം പൊളിച്ചു പുതിയത് പണിയാന് സുപ്രിംകോടതി ഉത്തരവിട്ടത് ഇന്നാണ്. സംസ്ഥാന സര്ക്കാരിന്റെ ആവശ്യം സുപ്രിംകോടതി അംഗീകരിച്ചു. ജസ്റ്റിസ് ആര്.എസ് നരിമാന് അധ്യക്ഷനായ ബെഞ്ചാണ് ഉത്തരവ് പുറപ്പെടുവിച്ചത്.
ഭാരപരിശോധന നടത്തണമെന്ന ഹൈക്കോടതി ഉത്തരവ് സുപ്രിംകോടതി റദ്ദാക്കി. ഹൈക്കോടതിയിലെ ഹര്ജി ആറ് മാസത്തിനകം തീര്പ്പാക്കണമെന്നും ജനതാത്പര്യമനുസരിച്ച് പാലം പണി വേഗത്തില് പൂര്ത്തിയാക്കണമെന്നും സുപ്രിംകോടതി ഉത്തരവിട്ടു.