വോട്ടര്പട്ടികയില് പേര് ചേര്ക്കാന് 27 മുതല് അവസരം
തിരുവനന്തപുരം: സംസ്ഥാനത്തെ തദ്ദേശ സ്ഥാപനങ്ങളില് ഒക്ടോബര് ഒന്നിന് പ്രസിദ്ധീകരിച്ച അന്തിമ വോട്ടര്പട്ടികയില് പേര് ഉള്പ്പെട്ടിട്ടില്ലാത്തവര്ക്ക് പേര് ചേര്ക്കുന്നതിന് ഒക്ടോബര് 27 മുതല് അവസരം.
31 വരെയായിരിക്കും അവസരമെന്ന് സംസ്ഥാന തിരഞ്ഞെടുപ്പ് കമ്മീഷണര് വി.ഭാസ്കരന് അറിയിച്ചു. പേരുകള് ചേര്ക്കുന്നതിനും തിരുത്തലുകള് വരുത്തുന്നതിനും സ്ഥാനമാറ്റം നടത്തുന്നതിനും "lsgelection.kerala.gov.in" എന്ന വെബ്സൈറ്റില് ഓണ്ലൈന് അപേക്ഷകളാണ് നല്കേണ്ടത്.
ഒക്ടോബര് 31 വരെ ലഭിക്കുന്ന അപേക്ഷകളും ആക്ഷേപങ്ങളും പരിശോധിച്ച് നവംബര് 10-ന് സപ്ലിമെന്ററി പട്ടികകള് പ്രസിദ്ധീകരിക്കാന് ഇലക്ടറല് രജിസ്ട്രേഷന് ഓഫീസര്മാര്ക്ക് കമ്മീഷന് നിര്ദ്ദേശം നല്കിയിട്ടുണ്ട്.