ഒ​ക്ടോ​ബ​റും ന​വം​ബ​റും നിർണ്ണായകം; കോ​വി​ഡ് വ്യാ​പ​ന​വും മ​ര​ണ​വും വ​ര്‍​ധി​ച്ചേ​ക്കും; മുഖ്യമന്ത്രി

News Desk

10 October 2020 08:00 PM

തി​രു​വ​ന​ന്ത​പു​രം: ഒ​ക്ടോ​ബ​ര്‍, ന​വം​ബ​ര്‍ മാ​സ​ങ്ങ​ളി​ല്‍ കോ​വി​ഡ് വ്യാ​പ​ന​വും ഇ​തു​മൂ​ല​മു​ള്ള മ​ര​ണ​വും വ​ര്‍​ധി​ച്ചേ​ക്കു​മെ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍. ര​ണ്ട് മാ​സം സം​സ്ഥാ​ന​ത്തെ സം​ബ​ന്ധി​ച്ച്‌ നി​ര്‍​ണാ​യ​ക​മാ​ണെ​ന്നും അ​ദ്ദേ​ഹം പ​റ​ഞ്ഞു. പ്രതിരോധ പ്രവര്‍ത്തനങ്ങള്‍ വര്‍ധിപ്പിക്കുന്നതിലൂടെ മാത്രമേ മരണം അധികമാകുന്നത് തടയാന്‍ സാധിക്കൂ.

ടെസ്റ്റ് പോസിറ്റീവ് റേറ്റ് 10 ശതമാനത്തിന് മുകളിലാണ്. കേസുകളുടെ എണ്ണം ഇനിയും ഉയരാനാണ് സാധ്യതയെന്നും മുഖ്യമന്ത്രി. അയല്‍ സംസ്ഥാനങ്ങളില്‍ കൊവിഡ് വ്യാപനം അതിശക്തമായി തുടരുന്നുണ്ട്. മറ്റ് സംസ്ഥാനങ്ങളില്‍ പത്തിരട്ടി അധികം മരണങ്ങളാണുള്ളത്. സംസ്ഥാനത്ത് കേസുകള്‍ വര്‍ധിച്ചിട്ടും മരണനിരക്ക് ഉയര്‍ന്നില്ലെന്നും അദ്ദേഹം ചൂണ്ടിക്കാട്ടി. ആരോഗ്യ പ്രവര്‍ത്തകര്‍ക്ക് പിന്തുണ നല്‍കണമെന്ന് മുഖ്യമന്ത്രി പറഞ്ഞു. ആരോഗ്യ പ്രവര്‍ത്തകര്‍ എട്ട് മാസമായി അക്ഷീണം പ്രവര്‍ത്തിക്കുന്നുണ്ട്. അവര്‍ ക്ഷീണിതരാണ്. പൊതുജന പിന്തുണ ഉണ്ടാകണമെന്ന് മുഖ്യമന്ത്രി അഭ്യര്‍ത്ഥിച്ചു. നിര്‍ദേശങ്ങള്‍ പാലിക്കണമെന്നും ജനങ്ങളോട് മുഖ്യമന്ത്രി.