"നിസര്ഗ" വരുന്നു; കേരളത്തില് ശക്തമായ മഴ
തിരുവനന്തപുരം: കേരളതീരത്തിനു സമീപം അറബിക്കടില് രൂപം കൊണ്ട ന്യൂനമര്ദം മൂലം സംസ്ഥാനത്ത് മഴ തുടരുന്നു. ഇന്നും സംസ്ഥാനത്ത് ഒറ്റപ്പെട്ട സ്ഥലങ്ങളില് കനത്തതോ അത്യന്തം കനത്തതോ ആയ മഴയ്ക്കു സാധ്യതയുണ്ട്. കോഴിക്കോട് ജില്ലയില് ഇന്ന് ഓറഞ്ച് അലര്ട്ടും കൊല്ലം, എറണാകുളം, ഇടുക്കി, തൃശൂര്, മലപ്പുറം, കണ്ണൂര്, കാസര്ഗോഡ് ജില്ലകളില് യെല്ലോ അലര്ട്ടും പ്രഖ്യാപിച്ചു. അതിതീവ്രമാകുന്ന ന്യൂനമര്ദം ഇന്ന് ചുഴലിക്കാറ്റായി മാറിയേക്കും. ബുധനാഴ്ച വൈകുന്നേരത്തോടെ "നിസര്ഗ' എന്ന് പേരിട്ടിരിക്കുന്ന ചുഴലിക്കാറ്റ് വടക്കന് മഹാരാഷ്ട്രയ്ക്കും-തെക്കന് ഗുജറാത്ത് തീരത്തിനുമിടയ്ക്ക് കരതൊടുമെന്നാണ് കാലാവസ്ഥാ നിരീക്ഷണകേന്ദ്രത്തിന്റെ നിഗമനം. ശക്തമായ മഴയ്ക്കൊപ്പം ഇന്ന് ഒറ്റപ്പെട്ട സ്ഥലങ്ങളില് ഇടിമിന്നലിനും സാധ്യതയുണ്ട്. കേരളതീരത്ത് കാറ്റിന്റെ വേഗം ചില അവസരങ്ങളില് മണിക്കൂറില് 60 കിലോമീറ്റര് വരെ ആകാന് സാധ്യതയുള്ളതിനാല് മീന്പിടുത്തക്കാര് കടലില് പോകരുതെന്നും സംസ്ഥാന ദുരന്ത നിവാരണ അഥോറിറ്റി മുന്നറിയിപ്പു നല്കി.
ഓറഞ്ച്, യെല്ലോ അലര്ട്ടുകള് പ്രഖ്യാപിക്കപ്പെട്ട ജില്ലകളിലെ പ്രളയസാധ്യത പ്രദേശങ്ങളില് താമസിക്കുന്നവര് ജാഗ്രത പാലിക്കണം. 2018, 2019 ലെ പ്രളയത്തില് വെള്ളം കയറിയ പ്രദേശങ്ങളില് താമസിക്കുന്നവരും അടച്ചുറപ്പില്ലാത്ത വീടുകളില് താമസിക്കുന്നവരും, ഉരുള് പൊട്ടല് സാധ്യതാ പ്രദേശങ്ങളില് താമസിക്കുന്നവരും പ്രധാനപ്പെട്ട രേഖകളും വിലപ്പെട്ട വസ്തുക്കളും ഉള്പ്പെടുന്ന ഒരു എമെര്ജന്സി കിറ്റ് തയ്യാറാക്കി വെക്കുകയും മാറി താമസിക്കേണ്ട സാഹചര്യം വരികയാണെങ്കില് അധികൃതര് നിര്ദേശിക്കുന്ന സുരക്ഷിത സ്ഥാനത്തേക്ക് മാറി താമസിക്കണമെന്നും ദുരന്ത നിവാരണ അഥോറിറ്റി അറിയിച്ചു.