നവവധുവിന്റെ മരണം: മകള് ആത്മഹത്യ ചെയ്യില്ലെന്ന് അമ്മ, പോസ്റ്റുമോര്ട്ടം റിപ്പോര്ട്ട് പുറത്ത്
തിരുവനന്തപുരം: കല്ലമ്പലത്ത് നവവധുവിനെ ഭര്തൃഗൃഹത്തില് മരിച്ച നിലയില് കണ്ടെത്തിയ സംഭവത്തില് ദുരൂഹത തുടരുകയാണ്. കഴുത്തും കൈ ഞരമ്പും മുറിച്ച നിലയിലായിരുന്നു മൃതദേഹം. വര്ക്കല വെന്നിക്കോട് ശാന്താമന്ദിരത്തില് ഷാജി-ശ്രീന ദമ്ബതികളുടെ മകളും മുത്താന സ്വദേശി ശരതിന്റെ ഭാര്യയുമായ ആതിരയെയാണ് മരിച്ച നിലയില് കണ്ടെത്തിയത്. സംഭവത്തില് ആതിരയുടെ കുടുംബവും ഭര്ത്താവ് ശരത്തിന്റെ കുടുംബവും ദുരൂഹത ആരോപിക്കുന്നുണ്ട്. എന്നാല് പോസ്റ്റ്മോര്ട്ടം റിപ്പോര്ട്ടിന്റെ അടിസ്ഥാനത്തില് ആത്മഹത്യ എന്നാണ് പോലീസ് പറയുന്നത്.
വെള്ളിയാഴ്ച ഉച്ചയോടെയാണ് മൃതദേഹം കണ്ടെത്തിയത്. ഒന്നര മാസം മുമ്ബായിരുന്നു ആതിരയും ശരത്തും തമ്മിലുള്ള വിവാഹം നടന്നത്. ശരത്തിന്റെ വീട്ടിലെ കുളിമുറിയിലാണ് ആതിരയുടെ മൃതദേഹം കണ്ടെത്തിയത്. കഴുത്തിലും കൈ ഞരമ്ബിലും മുറിവുകള് ഉണ്ടായിരുന്നു. എന്നാല് ബല പ്രയോഗം നടന്നതിന്റെ തെളിവുകള് ഒന്നും തന്നെ ശരീരത്തിലില്ല. കഴുത്തിലും കൈതണ്ടകളിലും കത്തികൊണ്ട് ഉണ്ടായ മുറിവാണ്. കത്തി അകത്ത് നിന്നും പൂട്ടിയ കുളിമുറിയില് ആയിരുന്നു. ആതിര മരിച്ചതായി കരുതുന്ന സമയം വീട്ടില് മറ്റാരും ഉണ്ടായിരുന്നില്ല.
എന്നാല് മകള് ആത്മഹത്യ ചെയ്യില്ലെന്ന് ഉറപ്പിച്ച് പറയുകയാണ് ആതിരയുടെ അമ്മ. മകള്ക്കു രക്തം പേടിയാണ്. ഒരു മുള്ളു കൊണ്ടാല് പോലും അവള്ക്കു എടുക്കാന് സാധിക്കില്ലെന്നും അമ്മ പൊട്ടിക്കരഞ്ഞു കൊണ്ടു പറഞ്ഞു.
വെള്ളിയാഴ്ച രാവിലെ ശരത്തും പിതാവും കൂടി ആശുപത്രിയില് പോയിരുന്നു. ഭര്തൃമാതാവും ജോലിക്കായി പുറത്ത് പോയിരുന്നു. ഇതിനിടെ ആതിരയുടെ അമ്മ വീട്ടില് എത്തി. വീട്ടില് ആരെയും കണാത്തതിനെ തുടര്ന്ന് സമീപവാസികളോട് അന്വേഷിക്കുന്നതിനിടെ ശരത്തും പിതാവും തിരികെ എത്തി. തുടര്ന്ന് ആതിരയെ കാണാനില്ലെന്ന് മനസിലാക്കിയതോടെ എല്ലാവരും ചേര്ന്ന് അന്വേഷണം ആരംഭിചച്ചു. തുടര്ന്നാണ് കുളിമുറി അകത്ത് നിന്നും അടച്ചിട്ടതായി കണ്ടത്. തുറന്ന് കുളിമുറി അടിച്ച് തുറന്ന് പരിശോധിച്ചപ്പോഴാണ് ആതിരയെ മരിച്ച നിലയില് കണ്ടെത്തിയത്.