കടയ്ക്കാവൂര് പോക്സോ കേസില് അമ്മക്ക് ജാമ്യം
കടയ്ക്കാവൂര് പോക്സോ കേസില് അമ്മക്ക് ഹൈക്കോടതി ജാമ്യം അനുവദിച്ചു. മകനെ ലൈംഗീകമായി ദുരുപയോഗം ചെയ്തുവെന്ന കേസിലാണ് ജാമ്യം. ജാമ്യാപേക്ഷയെ സര്ക്കാര് കോടതിയിയില് എതിര്ത്തിരുന്നു. നേരത്തെ തിരുവനന്തപുരം പോക്സോ കോടതി ജാമ്യം തള്ളിയതോടെ അമ്മ ഹൈക്കോടതിയെ സമീപിക്കുകയായിരുന്നു.
അമ്മ രാത്രിയില് തന്നോട് മോശമായി പെരുമാറിയിരുന്നുവെന്നാണ് മകന് പറയുന്നത്. മകനെ ഉപയോഗിച്ച് കള്ളക്കേസ് നല്കിയിട്ടില്ലെന്നും ഏത് അന്വേഷണത്തെയും സ്വാഗതം ചെയ്യുന്നുവെന്നും അച്ഛന് പറഞ്ഞു.
ഡിസംബര് 18നാണ് പൊലീസ് അമ്മക്കെതിരെ കേസെടുത്തത്. വിവാഹ ബന്ധം വേര്പെടുത്താതെ ഭര്ത്താവ് രണ്ടാം വിവാഹത്തിന് ശ്രമിച്ചതോടെയാണ് പ്രശ്നം തുടങ്ങിയതെന്ന് യുവതിയുടെ ബന്ധുക്കള് ആരോപിക്കുന്നു. അമ്മയെ കേസില് കുടുക്കുമെന്ന് പിതാവ് ഭീഷണിപ്പെടുത്തിയെന്ന് ഇളയ മകന് വെളിപ്പെടുത്തിയിരുന്നു. ചേട്ടനെ മര്ദിച്ച് പരാതി നല്കുകയായിരുന്നുവെന്നും ഇളയ മകന് പറയുകയുണ്ടായി.