മന്ത്രി ജലീല്‍ ചട്ടലംഘനം നടത്തിയതിന് കൂടുതുല്‍ തെളിവുകള്‍
തിരുവനന്തപുരം: സര്‍വകലാശാല മാര്‍ക്ക് ദാന വിവാദത്തില്‍ ഉന്നതവിദ്യാഭ്യാസ മന്ത്രി കെ.ടി ജലീലിന്റെറ ഇടപെടലിന് കൂടുതല്‍ തെളിവുകള്‍ പുറത്ത്. അദാലത്തുകളില്‍ മന്ത്രിക്ക് പങ്കെടുക്കാനും ഫയലുകളില്‍ തീരുമാനമെടുക്കാനും ഉന്നതവിദ്യാഭ്യാസ വകുപ്പ് പുറപ്പെടുവിച്ച ഉത്തരവാണ് പുറത്തായത്. അദാലത്തിന്റെ ഫയലുകള്‍ മന്ത്രിക്ക് കാണണമെന്ന പ്രത്യേക ഉത്തരവിന്റെ പകര്‍പ്പും മാധ്യമങ്ങള്‍ക്ക് ലഭിച്ചു.
2019 ഫെബ്രുവരി നാലിന് ഉന്നതവിദ്യാഭ്യാസ വകുപ്പ് പ്രിന്‍സിപ്പല്‍ സെക്രട്ടറി സര്‍വകലാശാലകളില്‍ അദാലത്ത് സംഘടിപ്പിക്കാന്‍ ഇറക്കിയ ഉത്തരവിന്റെ രണ്ടാം ഭാഗത്തിലാണ് മന്ത്രിയുടെ ഇടപെടലിനെ കുറിച്ച്‌ സൂചിപ്പിക്കുന്നത്. സംഘാടകസമിതി പരിശോധിച്ച്‌ തീര്‍പ്പാക്കാന്‍ സാധിക്കാത്ത ഫയലുകളോ മന്ത്രിയുടെ ഇടപെടല്‍ ആവശ്യമുള്ള ഫയലുകളോ അദാലത്ത് ദിവസം മന്ത്രിക്ക് കൈമാറാമെന്നാണ് ഉത്തരവില്‍ പറയുന്നത്. ആറ് സര്‍വകലാശാലകളില്‍ നടക്കുന്ന അദാലത്തില്‍ മന്ത്രി പങ്കെടുക്കുമെന്നും ഉത്തരവിലുണ്ട്.
സര്‍വകലാശാല ആക്‌ട് മൂന്നാം അധ്യായം പ്രകാരം പ്രോ ചാന്‍സലര്‍ അഥവാ വിദ്യാഭ്യാസ മന്ത്രിക്ക് സര്‍വകലാശാലകളില്‍ ഇടപെടണമെങ്കില്‍ ചാന്‍സലറായ ഗവര്‍ണറുടെ അഭാവത്തില്‍ മാത്രമേ പറ്റൂ എന്നാണ് ചട്ടം. എന്നാല്‍ ചട്ടലംഘനം നടത്തിയാണ് കെ.ടി ജലീല്‍ അദാലത്തുകളില്‍ ഇടപെട്ടത് എന്നാണ് രേഖകളില്‍ നിന്നും വ്യക്തമാകുന്നത്.
സാങ്കേതിക സര്‍വകലാശാലയിലെ മാര്‍ക്ക് ദാന വിവാദത്തില്‍ ഗവര്‍ണര്‍ ഹിയറിങ് നടത്താന്‍ തീരുമാനിച്ചതും മന്ത്രി കെ.ടി ജലീലിന് തിരിച്ചടിയായിരിക്കുകയാണ്.
Related News
സനാഥാലയം ക്യാൻ കെയറിലെ പോരാളികൾക്കായി ഒരു പിടി മണ്ണ്
ഭൗതികശാസ്ത്ര നൊബേല് മൂന്നുപേർക്ക്
വൈദ്യശാസ്ത്ര നൊബേല് 2 പേർക്ക്; നേട്ടം കോവിഡ് പ്രതിരോധ ഗവേഷണത്തിന്
നിപ വ്യാപനം ഫലപ്രദമായി തടഞ്ഞു; ആശങ്കയൊഴിഞ്ഞെങ്കിലും ജാഗ്രത തുടരണം; മുഖ്യമന്ത്രി
