സംസ്ഥാനത്തെ സ്കൂളുകളിൽ മൊബൈൽ ഫോൺ നിരോധനം
തിരുവനന്തപുരം: സംസ്ഥാനത്തെ സ്കൂളുകളില് മൊബൈല് ഫോണ് ഉപയോഗം നിരോധിച്ചു. ജോലി സമയത്ത് അധ്യാപകര് സോഷ്യല് മീഡിയ ഉപയോഗം പാടില്ലെന്ന് ഉത്തരവില് പ്രത്യേകം പറയുന്നുണ്ട്. പൊതുവിദ്യാഭ്യാസ ഡയറക്ടറാണ് ഇതു സംബന്ധിച്ച സര്ക്കുലര് പുറപ്പെടുവിച്ചത്. വിദ്യാര്ഥികള് മൊബൈല് ഉപയോഗിക്കുന്നത് വിലക്കി പൊതു വിദ്യാഭ്യാസ വകുപ്പ് നേരത്തെയും സര്ക്കുലാർ ഇറക്കിയിരുന്നതായി പൊതുവിദ്യാഭ്യാസ ഡയറക്ടര് വ്യക്തമാക്കി. സര്ക്കുലര് കര്ശനമായി നടപ്പാക്കാന് പ്രഥമാധ്യാപകരും വിദ്യാഭ്യാസ ഓഫീസര്മാരും ശ്രദ്ധിക്കണമെന്നും സര്ക്കുലര് നിര്ദ്ദേശിക്കുന്നു.