"ഈ സൗഹൃദവും സാഹോദര്യവും എന്നെന്നും വളരട്ടെ; കേരളത്തിനൊപ്പം തമിഴകം ഉണ്ടാകും' - എടപ്പാടി പളനിസാമി

News Desk

04 April 2020 09:22 PM

ചെന്നൈ : തമിഴ്ജനത നമുക്ക് സഹോദരങ്ങളാണെന്ന പിണറായി വിജയന്റെ വാക്കുകൾക്ക് സ്നേഹമറിയിച്ച്‌ തമിഴ്നാട് മുഖ്യമന്ത്രി എടപ്പാടി പളനിസാമി. കേരളം തമിഴ് ജനതയെ സാഹോദര്യത്തോടെ പരിഗണിക്കുന്നതിൽ വളരെയേറെ സന്തോഷിക്കുന്നു. സുഖത്തിലും ദുഖത്തിലും കേരളത്തോടൊപ്പം എന്നും തമിഴകം ഉണ്ടാകുമെന്ന് സ്നേഹത്തോടെ അറിയിക്കുന്നുവെന്നും പളനിസാമി വ്യക്തമാക്കി.

പളനിസാമിയുടെ ട്വീറ്റ്:

கேரள மாநிலம், தமிழக மக்களை சகோதர சகோதரிகளாக அன்பு பாராட்டுவதில் மகிழ்ச்சியடைகிறேன். அனைத்து இன்ப துன்பங்களிலும் கேரள மாநில சகோதர சகோதரிகளின் உற்ற துணையாக தமிழகம் இருக்கும் என அன்போடு தெரிவித்துக் கொள்கிறேன்.

இந்த நட்புறவும் சகோதரத்துவமும் என்றென்றும் வளரட்டும்! @vijayanpinarayi pic.twitter.com/W0eMAVbMPm

— Edappadi K Palaniswami (@CMOTamilNadu) April 4, 2020

''കേരളം തമിഴ് ജനതയെ സഹോദരങ്ങളായി പരിഗണിക്കുന്നതില് വളരെയേറെ സന്തോഷിക്കുന്നു. സുഖത്തിലും ദുഖത്തിലും കേരളത്തിലെ സഹോദരീസഹോദരന്മാരോടൊപ്പം എന്നും തമിഴകം ഉണ്ടാകുമെന്ന് സ്നേഹത്തോടെ അറിയിക്കുന്നു. ഈ സൗഹൃദവും സാഹോദര്യവും എന്നെന്നും വളരട്ടെ. ''

വെള്ളിയാഴ്ച കൊവിഡ് 19 അവലോകന യോഗശേഷം നടത്തിയ വാർത്താസമ്മേളനത്തിൽ തമിഴ്ജനതയെക്കുറിച്ച്‌ മുഖ്യമന്ത്രി പിണറായി വിജയന് നടത്തിയ പരാമർശത്തിന്റെ വീഡിയോയടക്കമാണ് പളനിസാമി ട്വീറ്റ് ചെയ്തത്. തമിഴ്നാട്ടിലേക്കുള്ള അതിർത്തികൾ മണ്ണിട്ട് അടച്ചെന്നത് വ്യാജ വാർത്തയാണെന്ന് മുഖ്യമന്ത്രി അറിയിച്ചിരുന്നു. തമിഴ്നാട്ടുകാര് നമ്മുടെ സഹോദരങ്ങളാണെന്ന് മുഖ്യമന്ത്രി വ്യക്തമാക്കുകയും ചെയ്തിരുന്നു.