കരിപ്പൂര് വിമാന അപകടം: പൈലറ്റ് മരിച്ചതായി സ്ഥിരീകരിച്ചു
കരിപ്പുര്: കോഴിക്കോട് അന്താരാഷ്ട്ര വിമാനത്താവളത്തില് വിമാനം റണ്വേയില് നിന്ന് തെന്നിമാറി താഴേക്കുപതിച്ചു. വിമാനം രണ്ടായിപിളര്ന്നു. പൈലറ്റ് മരിച്ചു. കാപ്റ്റന് ദീപക് വസന്ത് ആണ് മരിച്ചത്. യാത്രക്കാര്ക്ക് ഗുരുതരമായി പരിക്കേറ്റിട്ടുണ്ട്. സഹ പൈലറ്റ് അഖിലേഷിന് ഗുരുതരമായി പരിക്കുണ്ട്. 177 യാത്രക്കാരും 6 ജീവനക്കാരും വിമാനത്തില് ഉണ്ടായിരുന്നു. കൊണ്ടോട്ടി-കുന്നുംപുറം റോഡില് മേലങ്ങാടി വഴിയുള്ള ക്രോസ് ബെല്റ്റ് റോഡിന്റെ ഭാഗത്തേക്കാണ് വിമാനം വീണത്.
കരിപ്പൂര് വിമാനത്താവളത്തില് എയര് ഇന്ത്യ എക്സ്പ്രസ് വിമാനം താഴേക്ക് ഇറങ്ങവെ നിയന്ത്രണം വിട്ട് താഴേക്ക് വീണതായാണ് സൂചനയെന്ന് കൊണ്ടോട്ടി സിഐ. താഴേക്ക് വീണ വിമാനം റണ്വേയില് രണ്ടായി പിളര്ന്നാണ് കിടക്കുന്നത്. 170-ലധികം പേരാണ് വിമാനത്തിലുള്ളത് എന്നാണ് പ്രാഥമികവിവരം. 167 യാത്രക്കാരും നാല് അംഗങ്ങളും എന്നാണ് വിവരം. രക്ഷാപ്രവര്ത്തനം ഊര്ജിതമായി മുന്നോട്ടു പോകുന്നുണ്ടെന്നും സിഐ അറിയിച്ചു. സ്ഥലത്ത് ആംബുലന്സ് എത്തിക്കുന്നുണ്ട്. ആദ്യം എത്തിച്ച ആംബുലന്സുകള് മതിയാകുമായിരുന്നില്ല. കൂടുതല് ആംബുലന്സുകള് എത്തിക്കുന്നുണ്ട്. രക്ഷാപ്രവര്ത്തനം നടക്കുന്നുവെന്നും കൊണ്ടോട്ടി സിഐ പറഞ്ഞു.