കരിപ്പൂര് വിമാന ദുരന്തം: അപകടത്തില്പ്പെട്ടവര്ക്ക് ധനസഹായം പ്രഖ്യാപിച്ചു
കരിപ്പൂര്: വിമാനദുരന്തത്തില്പ്പെട്ടവര്ക്ക് കേന്ദ്ര മന്ത്രി ഹര്ദീപ് സിങ് പുരി ധനസഹായം പ്രഖ്യാപിച്ചു. അപകടത്തില് മരിച്ചവരുടെ കുടുംബാംഗങ്ങള്ക്ക് 10ലക്ഷം രൂപയും, ഗുരുതര പരിക്കേറ്റവര്ക്ക് 2ലക്ഷവും, പരിക്കേറ്റവര്ക്ക് 50,000 രൂപയുമാണ് ധനസഹായം പ്രഖ്യാപിച്ചു. ഇന്ഷുറന്സ് ആനുകൂല്യത്തിന് പുറമെയാണിത്. കരിപ്പൂരിലെത്തിയ മന്ത്രി മാധ്യമപ്രവര്ത്തകരോട് സംസാരിക്കുകയായിരുന്നു.
ദുരന്തം ദൗര്ഭാഗ്യകരമെന്നും അഗാധദു:ഖം രേഖപ്പെടുത്തുന്നെന്നും അദ്ദേഹം പറഞ്ഞു. രാജ്യത്തെ മികച്ച പൈലറ്റുമാരില് ഒരാളായിരുന്നു മരിച്ച ദീപക് ബസന്ത് സാറെ എന്നും വിമാനത്തിന്റെ രണ്ട് ബ്ലാക്ക് ബോക്സുകള് കണ്ടെടുത്തതായും മന്ത്രി പറഞ്ഞു. കേന്ദ്ര മന്ത്രി വി.മുരളീധരനും പി.കെ കുഞ്ഞാലിക്കുട്ടി എം.പിയും മന്ത്രിയോടൊപ്പമുണ്ടായിരുന്നു.