കെഎസ്ആര്ടിസിയുടെ മിന്നല് പണിമുടക്ക്: തലസ്ഥാനത്ത് റോഡില് ബസുകള് നിര്ത്തിയിട്ട് പ്രതിഷേധിച്ച് ജീവനക്കാര്
തിരുവനന്തപുരം: തിരുവനന്തപുരം: ആറ്റുകാല് ക്ഷേത്രത്തിലേക്കുള്ള സ്പെഷ്യല് ബസ് സര്വീസിനെ ചൊല്ലി കെ.എസ്.ആര്.ടി.സി-സ്വകാര്യ ബസ് ജീവനക്കാരുടെ തര്ക്കം. ആറ്റുകാല് ക്ഷേത്രത്തിലേക്ക് സ്വകാര്യബസ് സൗജന്യ സര്വീസ് നടത്തിയത് കെ.എസ്.ആര്.ടി.സി. ജീവനക്കാര് തടഞ്ഞു. അനധികൃത സര്വീസ് നടത്തിയെന്നാരോപിച്ചാണ് കെ.എസ്.ആര്.ടി.സി. ജീവനക്കാര് സ്വകാര്യബസ് തടഞ്ഞത്.
സംഭവവുമായി ബന്ധപ്പെട്ട് കെഎസ്ആര്ടിസി ഉദ്യോഗസ്ഥനെ പൊലീസ് കസ്റ്റഡിയിലെടുത്തു. തിരുവനന്തപുരം സിറ്റി ഡിപ്പോയിലെ ഡിടിഒയെയാണ് കസ്റ്റഡിയിലെടുത്തത്. പ്രൈവറ്റ് ബസ് വിട്ടുകൊടുക്കാന് പൊലീസ് ആവശ്യപ്പെട്ടു, ബസ് വിട്ടുകൊടുക്കാത്തതാണ് പൊലീസ് നടപടിയ്ക്ക് കാരണമെന്ന് ജീവനക്കാര് ആരോപിച്ചു.തിരുവനന്തപുരം കിഴക്കേക്കോട്ടയില് നിന്നുള്ള കെഎസ്ആര്ടിസി സിറ്റി സര്വീസ് നിര്ത്തിവച്ചു. പൊലീസിനെതിരെ പ്രതിഷേധവുമായി കെഎസ്ആര്ടിസി ബസുകള് റോഡില് നിര്ത്തിയിട്ടു. കെഎസ്ആര്ടിസി ജീവനക്കാര് ഫോര്ട്ട് പൊലീസ് സ്റ്റേഷന് ഉപരോധിക്കുകയും ചെയ്തു.
മിന്നല് പണിമുടക്ക് തുടങ്ങി മൂന്നു മണിക്കൂര് പിന്നിടുമ്ബോള് രൂക്ഷമായ ഗതാഗതക്കുരുക്കാന് നഗരത്തില്.