'മുല്ലപ്പള്ളിയുടെ ഉള്ളിലുള്ളതാണ് പുറത്ത് വന്നത്;സ്ത്രീവിരുദ്ധത പരാമര്‍ശത്തില്‍ പ്രതികരിച്ചു കെ കെ ശൈലജ
ഇതെല്ലാം ഓരോരുത്തരുടെ മനോഭാവത്തെ ആശ്രയിച്ചാണിരിക്കുന്നത്. അതുകൊണ്ടാണ് ഇടയ്ക്കിടെ ഇത്തരത്തിലുളള സ്ത്രീവിരുദ്ധ പരാമര്‍ശങ്ങള്‍ വരുന്നത്. ഉളളിലുളളതല്ലേ പുറത്തുവരാന്‍ പറ്റൂ. എത്ര അപകടകരമായ പരാമര്‍ശമാണ് നടത്തിയത്. ബലാത്സംഗം എന്നാല്‍ സ്ത്രീകളെ ബലമായി കീഴ്പ്പെടുത്തുന്ന ഒന്നാണ്. മനുഷ്യസമൂഹത്തിലെ ഏറ്റവും ഗുരുതരമായ കുറ്റകൃത്യങ്ങളില്‍ ഒന്നാണിത്. അതിനെ എങ്ങനെയാണ് വ്യാഖ്യാനിച്ചത്. ബലാത്സംഗത്തിന് ഇരായാകുന്ന സ്ത്രീയുടെ കുറ്റമാണോ അത്?. ബലാത്സംഗത്തിന് ഇരയാകുന്ന സ്ത്രീകള്‍ ആത്മഹത്യചെയ്യണമെന്നാണ് പറഞ്ഞത്. സ്ത്രീയുടെ അന്തസിന്റെ കുറവുകൊണ്ടാണോ ബലാത്സംഗം ഉണ്ടാവുന്നത്?. ബലാത്സംഗത്തിന് വിധേയയാവുന്ന സ്ത്രീ അതിന് ഉത്തരവാദിയല്ല.
ബലാത്സംഗം ചെയ്യുന്ന ആളുകളാണ് അതിന് ഉത്തരവാദി. അവര്‍ ശിക്ഷിക്കപ്പെടണം. പ്രസ്താവനയില്‍ ഖേദം പ്രകടിപ്പിക്കാന്‍ മുല്ലപ്പളളിക്ക് തോന്നിയത് നല്ലകാര്യം തന്നെ'- മന്ത്രി പറഞ്ഞു.സര്‍ക്കാരിനെതിരെയുളള സമരം ഉദ്ഘാടനം ചെയ്യവെയായിരുന്നു മുല്ലപ്പള്ളിയുടെ വിവാദ പരാമര്‍ശം.ബലാത്സംഗത്തിനിരയായ ആത്മാഭിമാനമുള്ള സ്ത്രീകള്‍ മരിക്കും. അല്ലെങ്കില്‍ പിന്നീട് ബലാത്സംഗം ഉണ്ടാകാതെ നോക്കും എന്നായിരുന്നു പരാമര്‍ശം. വിവാദമായതോടെ പരാമര്‍ശത്തില്‍ അദ്ദേഹം ഖേദം പ്രകടിപ്പിക്കുകയും ചെയ്തു. ഈ സര്‍ക്കാരിനെതിരെയുള്ള വിമര്‍ശനം മാത്രമാണ് ഉന്നയിച്ചത്. സ്ത്രീകളെ അക്ഷേപിക്കാന്‍ ഉദ്ദേശിച്ചിട്ടില്ലെന്നും, ചിലര്‍ പറഞ്ഞത് വളച്ചൊടിച്ചെന്നും അദ്ദേഹം വ്യക്തമാക്കി.നേരത്തേ ആരോഗ്യമന്ത്രിയെ കൊവിഡ് റാണി, നിപ്പാ രാജകുമാരി എന്നൊക്കെ വിശേഷിപ്പിച്ചത് വലിയ വിവാദമായിരുന്നു. വിവാദമായെങ്കിലും മാപ്പുപറയാനോ പറഞ്ഞ വാക്കുകള്‍ പിന്‍വലിക്കാനോ അദ്ദേഹം തയ്യാറായിരുന്നില്ല.
Related News
കെകെ ശൈലജയെ ഒഴിവാക്കാന് കാരണം; മറുപടിയുമായി മുഖ്യമന്ത്രി
ഈ പാർട്ടി ഇന്നലത്തെ പാർട്ടിയോ ഇന്നത്തെ പാർട്ടിയോ അല്ല, നാളത്തെ പാർട്ടിയാണ്: മുരളി തുമ്മാരുകുടി
കെകെ ശൈലജയെ ഒഴിവാക്കിയതില് എതിര്പ്പ് അറിയിച്ച് യെച്ചൂരിയും വൃന്ദാകാരാട്ടും
പകര്ച്ചവ്യാധി പ്രതിരോധം: മന്ത്രി കെ.കെ. ശൈലജ ടീച്ചറുടെ നേതൃത്വത്തില് യോഗം ചേര്ന്നു