അമേരിക്കയില് കോവിഡ് മരണം 1,76,000 കടന്നു
അമേരിക്കയിലെ കോവിഡ് ബാധിതരുടെ എണ്ണത്തില് വന് വര്ധനവ് . ഔദ്യോഗിക കണക്കുകള് പ്രകാരം രാജ്യത്തെ രോഗ ബാധിതര് 57,00,931 ആയി. 1,76,337 പേരാണ് ഇവിടെ വൈറസ് ബാധിച്ച് മരിച്ചത്. രോഗമുക്തരുടെ എണ്ണം 30 ലക്ഷം കടന്നുവെന്നത് മാത്രമാണ് ആശ്വാസം. 3,062,331 പേരാണ് ഇതുവരെ രോഗമുക്തി നേടിയത്.
കഴിഞ്ഞ 24 മണിക്കൂറിനിടെ 40,000ലേറെപ്പേര്ക്കാണ് കോവിഡ് സ്ഥിരീകരിച്ചത്. കലിഫോര്ണിയ, ടെക്സസ്, ഫ്ളോറിഡ, ന്യൂയോര്ക്ക്, ജോര്ജിയ എന്നീ സംസ്ഥാനങ്ങളാണ് കോവിഡ് ബാധിതരുടെ എണ്ണത്തില് മുന്നിലുള്ളത്.
അതേസമയം ലോകത്തെ കോവിഡ് ബാധിതരുടെ എണ്ണം 2.25 കോടിയും പിന്നിട്ട് കുതിക്കുന്നു. ഔദ്യോഗിക കണക്കുകള് പ്രകാരം 22,577,398 പേര്ക്കാണ് ഇതുവരെ കോവിഡ് ബാധിച്ചിട്ടുള്ളത്.